अभिजीत देशमुख, प्रतिनिधी

Kalyan Crime News:

कल्याण रेल्वे स्थानक परिसरात झोपलेल्या प्रवाशांचा लॅपटॉप आणि मोबाईल चोरणाऱ्या दोन सराईत चोरट्यांना कल्याण रेल्वे पोलिसांनी अटक केली आहे. अमोल माने आणि किरण पाटील असे या चोरट्यांचे नाव असून या दोघांनी या आधी किती चोरा केल्यात? याचा तपास कल्याण रेल्वे पोलीस करत आहेत. (Crime News in Marathi)

समोर आलेल्या माहितीनुसार, कल्याण रेल्वे स्टेशन परिसरातील स्काय वॉक झोपले असताना एका शिक्षकाची बॅग चोरीला गेली होती. या बागेत फिर्यादी शिक्षकाचे काही महत्त्वाची कागदपत्रे आणि महागडा लॅपटॉप होता. याप्रकरणी कल्याण रेल्वे पोलीस ठाण्यात तक्रार नोंदवण्यात आली. कल्याण रेल्वे पोलिसांनी गुन्हा नोंद करत अज्ञात चोरट्यांचा शोध सुरू केला.

सीसीटीव्ही फुटेज (CCTV Footage) व तांत्रिक तपासाच्या आधारे पोलिसांनी या दोन्ही चोरट्यांची ओळख पटवली. हा चोरटा आंबिवली येथे असल्याची माहिती पोलिसांना मिळताच पोलिसांनी सापळा रचत अमोल माने या चोरट्याला बेड्या ठोकल्या. या चोरट्याकडून चोरी केलेला लॅपटॉप व मोबाईल पोलिसांनी हस्तगत केले.

तसेच दुसऱ्या एका घटनेत प्रवाशाचा मोबाईल चोरीला गेला होता. याचा तपास करत रेल्वे पोलिसांनी किरण पाटील या तरुणाला मुरबाडहुन अटक केली. हे दोघेही सराईत चोरटे आहेत. या दोघांकडून आणखी काही गुन्हे उघडकीस घेण्याची शक्यता असून अर्चना दुसाने, पोलीस अधिकारी संजय खोंदे, प्रमोद देशमुख यांचे पथक या प्रकरणाचा पुढील तपास करत आहे. (Latest Marathi News)