डाॅ. ऋचा रूपनर यांच्या आत्महत्येस जबाबदार असलेल्या त्यांचे पती डाॅ. सूरज रूपनर यास अटक करा या मागणीसाठी सांगोला आणि पंढरपूर येथील इंडीयन मेडीकल असोसिएशनच्या (आयएमए) सदस्यांनी सांगोला पोलिस ठाण्यात ठिय्या आंदोलन केले. यावेळी पाेलिसांनी डाॅ. सूरज रुपनर याचा शाेध सुरु असल्याचे आंदाेलकांना स्पष्ट केले.

सांगोला येथील डाॅ. ऋचा रूपनर यांनी पती डाॅ. सुरज रूपनर याच्या मानसिक आणि शारिरीक छळाला कंटाळून 6 जून रोजी राहत्या घरी आत्महत्या केली. या घटनेच्या तीन दिवसांनंतर सांगोला पोलिसांनी पती डाॅ. सुरज रूपनर याच्या विरोधात गुन्हा दाखल केला.

डाॅ. सूरज रूपनर याचा पाेलिस शाेध घेताहेत. दरम्यान डाॅ.सूरज रुपनरला तात्काळ अटक करावी या मागणीसाठी इंडीयन मेडीकल असोसिएशनच्या सदस्यांनी सांगोला पोलिस ठाण्यात ठिय्या आंदोलन केले. यावेळी आयएमए सदस्यांनी पोलिसांच्या विरोधात घोषणाबाजी केली. पाेलिसांनी आरोपीला लवकरच अटक केली जाईल असे आश्वासन दिल्या नंतर आयएमए सदस्यांनी त्यांचे आंदोलन मागे घेतले.

Edited By : Siddharth Latkar