नागरिकांनो सावधान! तुमच्या वापरात असलेलं कोलगेट बनावट आहे की ओरिजनल हे तुम्हाला माहिती आहे का ? नाही, तर ही बातमी तुमच्यासाठी. गुजरातमधून बनावट कोलगेट प्रकरणाचा धक्कदायक प्रकार समोर आला आहे. पोलिसांनी धाड टाकून बनावट कोलगेट प्रकरणाचा पर्दाफाश केला आहे. याप्रकरणी ९ लाख रुपये किमतीचा माल जप्त करण्यात आला आहे.

मिळालेल्या माहितीनुसार, गुजरातमधील कच्छ जिल्ह्यातील रापर तालुक्यातील चित्रोड गावात बनावट कोलगेटचा कारखाना सुरु होता. या कारखान्यात हुबेहूब ओरिजनल कोलगेट बॉक्स सारखे बॉक्स तयार करून त्यामध्ये बनावट कोलगेट विकली जात होती. याप्रकरणी माहिती मिळाल्यावर गागोदरा पोलिसांनी या कारखान्यावर धाड टाकली.

या कारखान्यातून ९ लाख रुपये किमतीचा माल मोठ्या जप्त करण्यात आला. या कारवाईत जप्त केलेल्या वस्तूंमध्ये ५०० हून अधिक डुप्लिकेट कोलगेट पॅकेट्स, रासायनिक मिश्रण कंटेनर, पॅकेजिंग मशीन आणि बनावट लेबल प्रिंटर यांचा समावेश होता. कॉपीराइट कायदा १९५७ आणि भारतीय दंड संहितेच्या कलम ४२० अंतर्गत गुन्हा दाखल करण्यात आला आहे.

गागोदरा पोलिसांनी सांगितले की, एका गुप्त माहितीच्या आधारे त्यांनी बनावट कोलगेट कारखाना उघडकीस आणला. पोलिसांनी कॉपीराइट कायद्याचे उल्लंघन केल्याबद्दल चार जणांविरुद्ध गुन्हा दाखल करण्यात आला आहे. पोलीस या चौघांच्या शोधात आहेत. दरम्यान तुम्हीही तुमच्या वापरातील कोलगेट म्हणजेच टूथपेस्ट बनावट आहे कि ओरिजनल हे आजच तपासा.

ओरिजनल कोलगेट कसे ओळखाल ?

• पॅकेटवरील घटकांची यादी बघा.

• घातक रसायन असल्यास ते कोलगेट घेणं टाळा.

• टूथपेस्ट चव आणि रंग साधा असावा, खूप वेगळा असेल तर लगेच तपासणी करा.

• टूथपेस्टमध्ये फ्लोराइड आहे का ते तपासा; कमी-जास्त असेल तर बनावट असू शकते.

• टूथपेस्टचा वास चांगला आणि सौम्य असावा; तीव्र वास असल्यास सतर्क व्हा.

• विश्वासू दुकानातूनच खरेदी करा; स्वस्त भावात घेणं जीवावर बेतू शकत.