Shocking : प्रेमप्रकरणात झालेल्या वादानंतर एका मुलीने तिच्या बॉयफ्रेंड धारदार शस्त्राने हल्ला केला. मुलीने बॉयफ्रेंडचा प्रायव्हेट पार्ट कापला. या घटनेनंतर तरुणाला गंभीर अवस्थेत रुग्णालयात दाखल करण्यात आले आहे. ही घटना उत्तरप्रदेशातील हरदोई जिल्ह्यातील मल्लवन पोलीस स्टेशन परिसरात घडल्याचे म्हटले जात आहे.

जखमी तरुणाचे नाव जसवंत सिंह (वय २९ वर्ष) असे आहे. जसवंत हा राजस्थानमधील हनुमानगड जिल्ह्यातील रहिवासी आहे. तो त्याच्या गर्लफ्रेंडला भेटण्यासाठी हरदोई येथे आला होता. दोघांची हरिद्वार येथे ओळख झाली होती. तेथे काम करत असताना त्यांच्यात जवळीक वाढली. एका वर्षापूर्वी मुलीचे कुटुंब हरिद्वारहून हरदोई येथे आले होते.

मिळालेल्या माहितीनुसार, तरुणाने त्याच्या गर्लफ्रेंडचा अंघोळ करतानाचा व्हिडीओ बनवला होता. यावरुन तो मुलीला त्रास देत होता, ब्लॅकमेल करत होता. या व्हिडीओवरुन दोघांमध्ये वाद सुरु होता. जेव्हा तरुण त्याच्या गर्लफ्रेंडला भेटण्यासाठी हरदोई येथे आला. तेव्हाही त्यांच्यात भांडण झाले. तेव्हा रागाच्या भरात मुलीने तरुणावर हल्ला केला.

अंघोळीच्या व्हिडीओवरुन सुरु झालेला वाद प्रचंड पेटला. रागात मुलीने धारदार शस्राने तरुणाचा प्रायव्हेट पार्ट कापला. अचानक झालेल्या हल्ल्यात तरुण रक्तस्त्राव होत असल्याने खाली पडला. या घटनेची माहिती मिळताच पोलीस घटनास्थळी पोहोचले. तरुणाला रुग्णालयात दाखल करण्यात आले. तर मुलीला ताब्यात घेऊन तिची चौकशी करण्यात आली. या प्रकरणाची चौकशी केल्यानंतर कायदेशीर कारवाई केली जाईल, असे पोलिसांनी म्हटले आहे.