- रणजीत माजगावकर

Kolhapur News :

काेल्हापूर जिल्ह्यात अल्पवयीन मुलीशी गैरवर्तन करणाऱ्या 12 विद्यार्थ्यांची बालसुधारगृहात रवानगी करण्यात आली आहे. या घटनेमुळे पालक देखील चिंतेत पडले आहे. मुलांच्या भवितव्याचा विचार करुन त्यांना समुपदेशन केले जाणार असल्याचे पाेलिसांकडून समजते. (Maharashtra News)

काेल्हापूर जिल्ह्यातील वडगाव परिसरातील एका शाळेत अल्पवयीन मुलीशी गैरवर्तन झाल्याचा धक्कादायक प्रकार समोर आला. पाेलिसांनी दिलेल्या माहितीनूसार शाळेत अल्पवयीन मुलीस विद्यार्थी सातत्याने लज्जा उत्पन्न होईल असे वर्तन करून तिला त्रास देत होते.

याबाबत संबंधित अल्पवयीन विद्यार्थिनीच्या पालकांनी शाळेसह पोलीस ठाण्यात तक्रार केली. पाेलिसांनी या गाेष्टीची गंभीर दखल घेतली. त्यांनी घटनेची सविस्तर चाैकशी केली. त्यानंतर वडगाव पोलिसांनी तब्बल 12 अल्पवयीन मुलांना ताब्यात घेतली. त्यांची बालसुधारगृहात रवानगी केली. या मुलांचे समुपदेशन करणार असल्याची माहिती पाेलिसांकडून मिळाली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar