Shruti Vilas Kadam
सर्वप्रथम एक लिटर दूध उकळायला ठेवा. दूध उकळल्यानंतर त्यात थोडे लिंबाचा रस किंवा व्हिनेगर घाला. दूध फाटल्यानंतर गॅस बंद करा. सुती कापडातून पाणी गाळून घ्या. तयार झालेला छेना थंड पाण्याने धुऊन घ्या.
आता तयार छेना एका ताटात काढा. हाताने साधारण ८ ते १० मिनिटे छेना चांगला मळून घ्या. छेना मऊ आणि गुळगुळीत झाला पाहिजे. यामुळे चमचम छान मऊ तयार होईल.
मळलेल्या छेन्याचे छोटे गोळे करा. प्रत्येक गोळ्याला हाताने लांबट आकार द्या. चमचमचा आकार दोन्ही बाजूंनी थोडा गोलाकार ठेवा.
एका मोठ्या भांड्यात २ कप साखर आणि ४ कप पाणी घाला. गॅसवर ठेवून साखर पूर्ण विरघळेपर्यंत उकळवा. पाक तयार झाल्यानंतर त्यात चमचमचे गोळे सोडा.
चमचमचे गोळे साखरेच्या पाकात टाकल्यानंतर झाकण ठेवून साधारण १५ ते २० मिनिटे मध्यम आचेवर शिजवा. चमचम फुलून मोठे होतील. त्यानंतर गॅस बंद करून ते पाकातच थंड होऊ द्या.
चमचम थंड झाल्यानंतर त्यांना मधोमध हलकी चीर द्या. त्यात मावा आणि पिठीसाखर एकत्र करून तयार केलेले सारण भरा. यामुळे चमचम अधिक स्वादिष्ट लागतील.
शेवटी तयार चमचमवर थोडी मलाई किंवा मावा लावा. त्यावर बदाम, पिस्ता आणि नारळाचा किस घालून सजवा. तयार आहेत मऊसूत आणि स्वादिष्ट बंगाली चमचम! थंड करून सर्व्ह करा.