Konkan Railway : कोकण रेल्वेने फुकट्या प्रवाशांकडून केला २ कोटींचा दंड वसूल, धडक माेहिम सुुरुच राहणार

Ratnagiri News :

रेल्वे गाड्यांमधून प्रवास करणाऱ्या फुकट्या प्रवाशांविरोधात कोकण रेल्वेने मोहिम सुरु केली आहे. या मोहिमे अंतर्गत एका महिन्यात 7 हजार 13 प्रकरणांमध्ये कोकण रेल्वेने 2 कोटी 5 लाख 52 हजार 446 रुपये इतका दंड वसूल केला आहे. (Maharashtra News)

फुकट्या प्रवाशांना रोखण्यासाठी रेल्वेकडून सातत्याने तिकीट तपासणीची मोहिम राबवली जात आहे. काेकण रेल्वेने दिलेल्या माहितीनूसार या मोहिमे दरम्यान गेल्या महिन्यात (नोव्हेंबर 2023) एकूण 7,013 अनधिकृत, अनियमित प्रवासी तिकीट नसलेले प्रवासी आढळून आले.

त्यामुळे एका महिन्यात तब्बल रेल्वेने 2 कोटी 5 लाख 52 हजार 446 रुपये इतक्या रुपयांचा दंड वसूल केला आहे. कोकण रेल्वे आपल्या प्रवाशांना गैरसोय टाळण्यासाठी योग्य आणि वैध तिकिटांसह प्रवास करण्याचे वेळोवेळी आवाहन करीत असते.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

प्रवाशांनी वैध तिकिटावर सन्मानाने प्रवास करावा, असे आवाहन कोकण रेल्वेकडून करण्यात आले आहे.

Edited By : Siddharth Latkar