भारतातील सर्वात वेगाने वाढणाऱ्या इलेक्ट्रिक टू-व्हीलर ब्रँडपैकी एक असलेल्या झेलीओ ई-मोबिलिटीने इलेक्ट्रिक स्कूटरचे बहुप्रतीक्षित फेसलिफ्ट मॉडेल अधिकृतपणे लॉन्च केले आहे. आकर्षक डिझाइन, सुधारित फीचर्स आणि नवीन रंगांच्या पर्यायांसह, हे फेसलिफ्ट केलेले लेजेंडर आधुनिक प्रवाशांसाठी डिझाइन केलंय.

काय आहे किंमत

नवीन लेजेंडर लिथियम-आयन बॅटरी व्हेरिएंट ६०व्ही/३०ए ची किंमत रु.७५,००० आणि ७४व्ही/३२ए ची किंमत रु.७९,००० तसेच जेल बॅटरी व्हेरिएंट ३२एएचची किंमत रु.६५,००० या तीन वेगळ्या व्हेरिएंटमध्ये उपलब्ध असेल. ही स्कूटर २५ किमी/तास इतका सर्वाधिक वेग आणि एकाच चार्जमध्ये १५० किमी पर्यंतचा टप्पा गाठते.

ही स्कूटर उच्च-कार्यक्षमतेच्या ६०/७२व्ही बीएलडीसी मोटरने चालते. तर चार्जिंग होण्यासाठी कमी वीज लागते. प्रति चार्ज केवळ १.५ युनिट वीज लागत असते. ९८ किलो एकूण वजन, १५० किलो लोडिंग क्षमता आणि १७० मिमी ग्राउंड क्लिअरन्ससह, लेजेंडर दैनंदिन प्रवासाचे आव्हान सहजपणे पेलण्यासाठी डिझाइन केले आहे.

चार्जिंग वेळ मॉडेलनुसार वेगवेगळी आहे; लिथियम-आयन मॉडेल्सना पूर्ण चार्ज होण्यासाठी ४ तास लागतात, तर जेल बॅटरी मॉडेलला ८ तास लागतात. ही स्कूटर तीन आकर्षक नवीन रंगांच्या पर्यायांमध्ये उपलब्ध आहे. रस्टी ऑरेंज, ग्लॉसी ग्रीन आणि ग्लॉसी ग्रे, या रंगात ही स्कूटर उपलब्ध असणार आहे. आमच्या उत्पादनांच्या श्रेणीमध्ये लेजेंडर हे नेहमीच विश्वसनीयता, कार्यक्षमता आणि स्टाइलचे प्रतीक राहिले आहे.

या फेसलिफ्ट मॉडेलसह, आम्ही शहरी प्रवासाचा अनुभव कसा असावा, याची नव्याने कल्पना केली आहे, असं झेलीओ ई-मोबिलिटीचे सह-संस्थापक आणि व्यवस्थापकीय संचालक श्री. कुणाल आर्य म्हणाले

नवीन लेजेंडर सुरक्षा, आराम आणि दैनंदिन सुविधा अपग्रेड्स करण्यात आले आहेत. यात पुढील आणि मागील बाजूस डिस्क ब्रेक, ९०/९०-१२ टायर्ससह १२-इंच अलॉय व्हील्स आणि सुरळीत व स्थिर राइडसाठी शक्तिशाली रिअर हब मोटर आहे. पुढील टेलिस्कोपिक आणि मागील ड्युअल स्प्रिंग-लोडेड सस्पेन्शन (झटके सहन करणारी यंत्रणा) खडबडीत रस्त्यांवरही आरामदायी प्रवासाची खात्री देते. स्टायलिश एलईडी हेडलॅम्प, टेललॅम्प आणि इंडिकेटर्स तिच्या आधुनिक आकर्षणात भर घालतात.