Rent Or Buy Home: रेंटवर राहावं की EMI वर घर खरेदी करावे? हक्काचं घर खरेदी करण्याआधी गणित समजून घ्या

प्रत्येकाचे स्वतः चे घर घेण्याचे स्वप्न असते. परंतु सध्या घरांच्या किंमती खूप जास्त वाढत आहे. त्यामुळे घर खरेदी करणे हे सर्वसामान्यांच्या खिशाला परवडणारे नाही. त्यामुळे अनेकजण भाड्याच्या घरात राहण्यास पसंती देतात. दरम्यान, भाडे देणे की ईएमआय भरणे जास्त सोयीचे असा प्रश्न अनेकांच्या मनात निर्माण झालेला असतो. दरम्यान, दोन्ही गोष्टींमध्ये कोणती गोष्ट जास्त फायदेशीर ते जाणून घ्या.

जर तुम्ही १ कोटी रुपयांचा फ्लॅट घेतला त्यावर ८० लाखांचे होम लोन केले. यावर तुम्हाला जर ९ टक्के व्याजदर भरावे लागले तर तुम्हाला महिन्याला ७२,००० रुपये ईएमआय भरावा लागेल. म्हणजेच तुम्हाला २० वर्षात १,७३ कोटी रुपये भरावे लागणार आहे. जर तुमच्या घराची किंमत १ कोटी असेल तर उरलेले ७३ लाख रुपये व्याजदरात जातात. परंतु जर तुम्ही याच व्याजराच्या रक्कमेत तुम्ही भाड्याच्या घरात राहू शकतात.

सोशल मीडियावर सीए नितीन कौशिक यांनी सांगितले की, घर खरेदी करणे हा भावनिक निर्णय असतो. लोक म्हणतात किती काळ भाड्याच्या घरात राहायचं म्हणून निर्णय घेतात. परंतु हा निर्णय महागात पडतो. लोक त्यांची सर्व सेव्हिंग डाउन पेमेंटमध्ये जाते. त्यानंतर अर्ध्यापेक्षा जास्त आयुष्य ईएमआय भरतात.

भाड्याच्या घरात राहणे हा पर्याय

सीए नितीन कौशिक यांनी सांगितले की, भाड्याच्या घरात मिळणारा परतावा ३.५ ते ५ टक्के असतो. जर तुम्ही १ कोटी रुपयांचे घर घेत असाल आणि त्याच घरात भाड्याने राहत असाल तर तुम्हाला २५-३० हजार रुपये भाडे भरावे लागेल. जर तुम्ही हीच रक्कम म्युच्युअल फंड किंवा शेअर मार्केटमध्ये गुंतवली तर तुम्हाला २० वर्षांत खूप चांगला परतावा मिळतो. याचसोबत तुमच्या डोक्यावर कर्जाचा भारदेखील नसतो.

घाईघाईत निर्णय घेऊ नका

घर खरेदी करणे हा प्रत्येकाच्या जिव्हाळ्याचा विषय असतो. घर खरेदी करताना नीट विचार करा. तुम्ही इमरजन्सी परिस्थितीत तुमच्याकडे आवश्यक पैसे आहेत की नाही त्याकडे आधी लक्ष द्या. जेणेकरुन घर खरेदी करताना डाउन पेमेंट केल्यानंतरही तुमच्याकडे काही ठरावीक रक्कम बचत म्हणून राहील.