मित्रांनो व्हॉट्सॲप चॅटिंग आता अधिकच सोपे आणि मजेशीर होणार आहे. नुकतेच व्हॉट्सॲपने नवीन भन्नाट फीचर्स घोषणा केले आहे. ज्यामुळे तुम्ही आपल्या आवडत्या व्यक्तीशी मजेशीर संवाद साधू शकता. कंपनीने अलीकडेच ग्रुप चॅटचा अनुभव वाढविण्यासाठी तीन नवीन फीचर्सची घोषणा केली आहे. याचा उद्देश ग्रुपमध्ये चांगले कनेक्शन, ओळख आणि नियोजन सुलभ व्हावे हे आहे. याची सविस्तर माहिती जाणून घेऊयात.

व्हॉट्सॲप आता आपल्या वापरकर्त्यांना मेंबर टॅग्ज, टेक्स्ट स्टिकर्स आणि इव्हेंट रिमाइंडर्स यांसारखी तीन नवीन फीचर्स देत आहे. ज्यामुळे वापरकर्ते ग्रुपमध्ये अधिक सहजपणे कनेक्ट राहू शकतात आणि स्वतःला चांगल्या प्रकारे व्यक्त करू शकतात. त्यांच्यातील संवाद अधिक सोपा झाला आहे. या फीचर्सचे वैशिष्ट्ये आणि त्यांचा वापर जाणून घेऊयात.

मेंबर टॅग्ज फीचर (Member Tags )

व्हॉट्सॲपने ग्रुप चॅटमध्ये मेंबर टॅग्ज फीचर सुरू केले आहे. यामुळे युजर्सना त्यांच्या नावावर टॅग जोडता येतात. ज्यामुळे ग्रुपमधील इतर सदस्यांना त्यांची भूमिका, त्यांची ओळख सहज समजते. महत्त्वाचे म्हणजे, हे टॅग्ज प्रत्येक ग्रुपसाठी कस्टमाइज केले जाऊ शकतात.

टेक्स्ट स्टिकर्स (Text Stickers)

व्हॉट्सॲपचे नवीन टेक्स्ट स्टिकर्स हे फीचर वापरताना वापरकर्त्यांना खूपच मजा येणार आहे. यामध्ये वापरकर्ते कोणताही शब्द स्टिकर सर्च बारमध्ये टाइप करून स्टिकरमध्ये बदलू शकतात. तयार केलेले टेक्स्ट स्टिकर्स थेट चॅटमध्ये पाठवता येतात किंवा त्यांच्या स्वतःच्या स्टिकर पॅकमध्ये सेव्ह करता येतात.

इव्हेंट रिमाइंडर्स (Event Reminders)

व्हॉट्सॲपमधील तिसरे नवीन फीचर म्हणजे इव्हेंट रिमाइंडर्स होय. जे तुम्ही ग्रुप चॅटमध्ये वापरू शकता. जेव्हा वापरकर्ते ग्रुपमध्ये एखादा कार्यक्रम तयार करतात, तेव्हा ते उपस्थितांसाठी एक कस्टम अर्ली रिमाइंडर सेट करू शकतात. हे तुम्हाला वेळेवर पार्टीला पोहोचण्यास किंवा कोणताही कार्यक्रमात वेळेवर सहभागी राहण्यास मदत करेल. ॲपमध्ये आधीच कार्यक्रम तयार करण्याची, त्यांना पिन करण्याची, RSVP गोळा करण्याची आणि अपडेट्स शेअर करण्याची क्षमता आहे.

टीप - तुम्हाला अद्याप ही फीचर्स मिळाली नसतील, तर लवकरच व्हॉट्सॲप अपडेटमध्ये ही नवीन फीचर्स मिळू शकतात.