सरकारी कर्मचाऱ्यांसाठी दिलासादायक बातमी आहे. आता ज्या सरकारी कर्मचाऱ्यांना २००४ नंतर नोकरी लागली आहे त्यांच्यासाठी आनंदाची बातमी आहे. आता या कर्मचाऱ्यांचे एनपीएस म्हणजेच नॅशनल पेन्शन स्किमअंतर्गत कोणतेही नुकसान होणार आहे. या कर्मचाऱ्यांसाठी युनिफाइल पेन्शन स्कीम (UPS)सुरु करण्यात आली आहे. १ एप्रिल २०२५ पासून ही नवीन स्कीम लागू केली आहे. या योजनेसाठी तुम्हाला रजिस्टर करावे लागेल. या योजनेअंतर्गत तुम्हाला सेवानिवृत्तीनंतर दर महिन्याला एक ठरावीक रक्कम मिळणार आहे.

यूपीएस आणि एनपीएसअंतर्गत केंद्र सरकारी कर्मचाऱ्यांना दर महिन्याला एक ठरावीक रक्कम मिळते. या योजनेत सेवानिवृत्तीच्या आधी १२ महिने तुमच्या बेसिक पगारातील ५० टक्के रक्कम पेन्शन योजनेत जमा केली जाते. जर तुम्ही १० वर्षेदेखील नोकरी करत असाल तरीही तुम्हाला या पेन्शनचा लाभ मिळणार आहे. फक्त इतरांच्या तुलनेत तुमची पेन्शन कमी असेल.

यूपीएस आणि एनपीएसमधील फरक (UPS And NPS Difference)

नॅशनल पेन्शन स्कीम ही मार्केटवर आधारित असते. त्यामुळे मार्केटमध्ये चढ-उतार झाले तर पेन्शनच्या रक्कमेतदेखील बदल होते. दरम्यान, यूपीएसमध्ये तुम्ही १० वर्षांची नोकरी केली तर तुम्हाला दर महिन्याला १०,००० रुपयांची गॅरंटीड पेन्शन मिळणार आहे.

या कर्मचाऱ्यांना होणार फायदा

यूपीएसअंतर्गत फक्त केंद्र सरकारी कर्मचाऱ्यांना फायदा होणार आहे. जे कर्मचारी २००४ नंतर नोकरीला लागले आहेत आणि एनपीएसअंतर्गत त्यांचे रजिस्ट्रेशन आहे. ते कर्मचारी या योजनेत स्विच करु शकतात. दरम्यान, यासाठी १ ऑक्टोबरपर्यंतचा कालावधी आहे. यासाठी तुम्ही ऑनलाइन पद्धतीने अर्ज करु शकतात.