Ayushman Bharat Scheme: उपचार करायचाय? पण आयुष्मान कार्ड हरवलंय, तर कसा होणार मोफत उपचार? काय आहे नियम

भारत सरकार देशातील लोकांसाठी अनेक योजना राबवते असते. वेगवेगळ्या लोकांच्या गरजा लक्षात घेऊन सरकार वेगवेगळ्या प्रकारच्या योजना आणत असते. देशातील गरीब आणि गरजू लोकांना मोफत उपचारांचा लाभ देखील सरकारच्या योजनेत घेता येतात. यासाठी सरकार मोफत उपचारांसाठी प्रधानमंत्री आयुष्मान भारत योजना चालवते. या योजनेअंतर्गत लोकांना ५ लाख रुपयांपर्यंतचे मोफत उपचार दिले जातात.

या योजनेतून लाभ घेणाऱ्यांना आयुष्मान कार्ड देखील दिले जातात. योजनेअंतर्गत सूचीबद्ध खासगी आणि सरकारी रुग्णालयात मोफत उपचार पुरवले जातात. पण बऱ्याचदा अनेकांकडून आयुष्मान कार्ड हरवत असते. अशा परिस्थितीत लोकांना त्रास सहन करावा लागू शकतो. अनेक लोकांच्या मनात हा प्रश्नही येतो की जर आयुष्मान कार्ड हरवले तर आपल्याला मोफत उपचार मिळू शकतात का?

तुमचे आयुष्मान कार्ड हरवले तरीही तुम्हाला मोफत उपचार मिळू शकतात. यासाठी तुम्हाला एक गोष्ट करावी लागले. ते पूर्ण केल्यानंतरच तुम्हाला मोफत उपचार मिळू शकतात. यासाठी तुम्हाला काय करावे लागेल हे जाणून घेऊ. जर आयुष्मान कार्ड हरवले असेल, तर तुम्ही रुग्णालयात पोहोचल्यावर तुमचे नाव आणि ओळख तपासण्याचे इतर मार्ग आहेत.

उपचारांसाठी, रुग्णालयाने तुम्ही पात्र आहात हे सिद्ध करणे आवश्यक आहे. यासाठी, तुम्ही आयुष्मान मित्राकडे जाऊन तुमचे आधार कार्ड किंवा कोणतेही वैध सरकारी ओळखपत्र दाखवू शकता. रुग्णालय तुमचे नाव ऑनलाइन सिस्टीममध्ये आहे का हे तपासते. तुमचा या योजनेत समावेश आहे की नाही हे तपासले जाते. यानंतर तुम्ही मोफत उपचारांची सुविधा घेऊ शकता.

जर तुम्हाला आयुष्मान कार्ड हरवल्यानंतर पुन्हा मिळवायचे असेल, तर तुम्ही जवळच्या कॉमन सर्व्हिस सेंटर किंवा जनसेवा केंद्रात जाऊ शकता. तिथे आधार आणि मोबाईल नंबरवरून तुमची माहिती मिळवली जाते, त्यानंतर आयुष्यमान कार्डची नवी प्रिंट काढून दिली जाते.