प्रवाशांसाठी महत्त्वाची बातमी आहे. जर तुम्ही हायवे किंवा एक्सप्रेस वेवरुन नेहमी प्रवास करत असाल तर ही गोष्ट तुम्हाला माहित असायलाच हवी. भारतीय राष्ट्रीय राजमार्ग प्राधिकरण नॅशनल हायवेवर प्रवास करणाऱ्यांसाठी महत्त्वाचा बदल करण्याच्या तयारीत आहे. आता १ एप्रिल २०२६ पासून सर्व नॅशनल हायवेवर टोल प्लाझावर कॅश पेमेंट पूर्णपणे बंद करण्याचा प्रस्ताव दिला आहे.

टोल प्लाझावर ट्राफिक कमी होण्यासाठी हा महत्त्वाचा निर्णय घेतला जाणार आहे. आता टोल प्लाझावर तुम्ही फक्त फास्टॅग किंवा यूपीआयद्वारे पेमेंट करु शकतात.

कॅश पेमेंट पूर्णपणे बंद

NHAI चे उद्दीष्ट आहे की, टोल प्लाझावरील पेमेंट हे पूर्णपणे डिजिटल करणे. १ एप्रिलपासून हे नवीन नियम लागू होणार आहे.त्यामुळे १ एप्रिलपासून टोल प्लाझावर कॅश पेमेंट पूर्णपणे बंद होणार आहे. आता फक्त फास्टॅग आणि यूपीआयद्वारे पेमेंट करु शकतात.

कारण काय?

वाहतूक कोंडीपासून मुक्तता

टोल प्लाझावर कॅशमध्ये पेमेंट स्विकारण्यासाठी खूप वेळ लागतो. त्यामुळे वाहनांच्या लांबच लांब रांगा लागतात. एका वाहनामुळे बाकीच्या वाहनांना खूप वाट पाहावी लागते. यामुळेच निर्णय घेतला आहे.

पारदर्शकता

डिजिटल टोल पेमेंटमुळे अधिक पारदर्शकता होणार आहे. यामुळे हिशोब ठेवण्यासाठी मदत होईल. कोणती कार टोल नाक्यावरुन गेली याचीही माहिती मिळणार आहे.

वेळेची बचत

टोल प्लाझावरील डिजिटल पेमेंटमुळे वेळेची खूप बचत होणार आहे. फक्त काही सेकंदात पेमेंट होणार आहे. त्यामुळे वाहतूक कोंडी होणार नाही.