नवरात्रीत सोन्याच्या दरात वारंवार चढ-उतार होताना दिसत आहे. मध्यंतरी सोन्याचे दर घसरले होते. त्यानंतर आता पुन्हा मागील दोन दिवसांपासून सोन्याचे दर वाढले आहेत. सोन्याचे दर १ लाख १५ हजारांवर पोहचले आहेत. सोन्याचे भाव सतत वाढत असल्याचे ग्राहकांना सोने खरेदी करावे की नाही असा प्रश्न विचारला आहे.

पुढच्या आठवड्यात दसरा आहे. दसऱ्याच्या मूहूर्तावर सोने खरेदी करणे, चांगले असल्याचे म्हटले जाते. त्यामुळे अनेकजण सोने खरेदी करतात. मात्र, आता सोन्याच्या दराने उच्चांक गाठला आहे. त्यामुळे यावर्षी सोने खरेदी करण्याकडे ग्राहक पाठ फिरवतील, असा अंदाज वर्तवला जात आहे.

२४ कॅरेटचे दर (24k Gold Rate)

आज सोन्याचे दर प्रति तोळ्यामागे ६०० रुपयांनी वाढले आहेत. आज १ तोळा सोन्याचे दर १,१५,४८० रुपये आहेत. ८ ग्रॅममागे सोन्याचे दर ४८० रुपयांनी वाढले आहेत. हे दर सध्या ९२,३८४ रुपये आहेत.१० तोळ्यामागे ६००० रुपयांची वाढ झाली असून हे दर ११,५४,८०० रुपये झाले आहेत.

२२ कॅरेट सोन्याचे दर (22K Gold Rate)

२२ कॅरेट सोन्याच्या प्रति तोळ्यामागे ५५० रुपयांची वाढ झाली आहे. हे दर १,०५,८५० रुपये झाले आहेत. ८ ग्रॅममागे ४४० रुपयांची वाढ होऊन हे दर ८४,६८० रुपये आहेत. १० तोळ्यामागे ५,५०० रुपयांची घसरण झाली आहे. हे दर १०,५८,५०० रुपये झाले आहेत.

१८ कॅरेट सोन्याचे दर (18k Gold Rate)

आज १८ कॅरेट सोनं प्रति तोळा ८६,६१० रुपयांवर विकलं जात आहे. या दरात ४५० रुपयांनी वाढ झाली आहे. ८ ग्रॅममागे ३६० रुपयांची वाढ झाली असून हे दर ६९,२८८ आहेत. १० तोळ्यामागे ४,५०० रुपयांची वाढ झाली असून ८,६६,१०० रुपये मोजावे लागणार आहेत.