सरकारकडून लाडक्या बहिणींना दसरा-दिवाळीचं मोठं गिफ्ट; बँक खात्यात पाठवले 10 हजार रुपये|VIDEO

महाराष्ट्रात लाडकी बहीण योजना गेमचेंजर ठरल्यानंतर आता बिहार सरकारनं महिलांसाठी अशीच एक योजना जाहीर केली आहे. मुख्यमंत्री महिला रोजगार योजना असे या योजनेचे नाव असून महिलांना आर्थिकदृष्ट्या सक्षम करण्याचा सरकारचा हेतु असल्याचे सरकारकडून सांगितले जात आहे. या योजने अंतर्गत पहिल्या टप्प्यात 75 लाख महिलांना प्रत्येकी 10 हजार रुपयांची थेट आर्थिक मदत दिली जाणार आहे. या योजनेचा पहिला हप्ता आज 26 सप्टेंबर त्यांच्या बँक खात्यात जमा होणार आहे.

1 कोटी 11 लाख महिलांनी केला अर्ज

या योजनेसाठी आतापर्यंत 1 कोटी 11 लाख महिलांनी अर्ज केलाय. पात्र ठरलेल्या 75 लाख महिलांना पहिल्या टप्प्यात हे पैसे थेट त्यांच्या खात्यात जमा होणार आहे.

महाराष्ट्राच्या विधानसभा निवडणुकीपूर्वी महायुती सरकारने लाडकी बहीण योजना सुर केली होती. यामुळे विधानसभेवर पुन्हा एकदा महायुतीचा झेंडा फडकला. आता बिहारमध्ये देखील काही दिवसांनी मतदान होणार असून नितीश कुमार सरकारला याचा कितपत फायदा होतो पाहणे ठरणार आहे.