आयएएस डॉ. रेनू राज या निर्भीड आणि कर्तुत्वान अधिकाऱ्यांपैकी एक आहे. आयएएस रेनू राज यांनी मोठ्या जिद्दीने यूपीएससी परीक्षा पास केली. त्या अनेक तरुणांसाठी प्रेरणा आहेत. डॉ. रेनू राज या खूप गरीब कुटुंबात जन्माला आल्या. त्यांनी सुरुवातीला एमबीबीएस डिग्री प्राप्त केली. त्यांनी काही वेळ डॉक्टर म्हणून काम केले. त्यानंतर त्यांनी यूपीएससी परीक्षा दिली. त्यांच्या मेहनतीचे फळ त्यांना मिळाले. त्या आयएएस अधिकारी झाल्या. (IAS Renu Raj Success Story)

डॉ. रेनू राज केरळमधील कोट्टायम जिल्ह्यातील रहिवासी. त्यांचा जन्म सर्वसामान्य कुटुंबात झाला. त्यांची आर्थिक परिस्थिती फार चांगली नव्हती. परंतु त्यांच्या आईवडिलांनी कधीच मुलांच्या शिक्षणात कोणतीही कमी पडून दिली नाही.

रेनू राज यांचे वडील बस कंडक्टर होते. आई गृहिणी आहेत. रेनू या लहानपणापासूनच हुशार होत्या. त्यांना डॉक्टर होऊन लोकांची सेवा करायची होती. त्यामुळे त्यांनी मेडिकल फिल्ड निवडली.

शिक्षण

डॉ. रेनू राज यांनी सुरुवातीचे शिक्षण केरळमधील कोट्टायम येथील सेंट तेरेसा हायर सेकंडरी स्कूलमधूनघेतले. त्यानंतर त्यांना कोट्टायम येथील सरकारी कॉलेजमधून एमबीबीएस डिग्री प्राप्त केली.त्यानंतर त्यांनी काही दिवस प्रॅक्टिस केली. डॉक्टर बनल्यानंतर त्यांनी २०१३ मध्ये डॉक्टरसोबतच यूपीएससी परीक्षेची तयारी केली.

पहिल्याच प्रयत्नात यूपीएससी परीक्षा पास

रेनू राज यांनी काम करता करता यूपीएससी परीक्षेची तयारी सुरु केली. त्यांच्या मेहनतीला यश मिळाले. २०१४ मध्ये पहिल्याच प्रयत्नात त्यांनी यूपीएससी परीक्षा पास केली.एवढेच नाही तर त्यांनी परीक्षेत दुसरी रँक प्राप्त केली.