मुंबई: अर्थसंकल्पीय भाषणादरम्यान शेअर बाजार सावरला नाही. तर बजेटनंतर शेअर मार्केट कोसळलं आहे. सेन्सेक्स सुमारे ५०० अंकांनी घसरताना दिसत आहे. तर निफ्टी जवळपास १५० अंकांनी घसरला आहे.अर्थमंत्री निर्मला सीतारामन यांनी आज मोदी सरकारच्या कार्यकाळातील तिसरा अर्थसंकल्प सादर केलाय.

केंद्रात नवं सरकार स्थापन झाल्यानंतर (Budget 2024) अखेर आज अर्थसंकल्प संसदेत सादर करण्यात आलाय. अर्थमंत्री निर्मला सीतारामन यांच्याकडून सर्वसामान्यांसह शेअर बाजारालाही मोठ्या अपेक्षा होत्या. मात्र, अर्थसंकल्प सादर झाल्यानंतर शेअर मार्केटमध्ये निराशेचं वातावरण आहे. अर्थसंकल्प सादर झाल्यानंतर शेअर मार्केटमध्ये वारं फिरलंय.

मोदी सरकारचं बजेट सादर होताच, शेअर बाजार वेगात खाली आलाय. अर्थमंत्री निर्मला सीतारामन यांचे अर्थसंकल्पीय भाषण संपल्यानंतर शेअर बाजारात मोठा भूकंप झालाय. सेन्सेक्स १२३७ अंकांनी घसरून ७९२६४ अंकांवर आलाय. एकेकाळी तो७९२२४ पर्यंत घसरला होता. त्याचवेळी निफ्टी ४०९ अंकांनी घसरला (Stock Market Fell After Budget 2024) आहे. आता ते २४०९९ अंकांवर आहे. अर्थमंत्री निर्मला सीतारामन यांच्या अर्थसंकल्पीय भाषणामुळे शेअर बाजार मोठी उलथापालथ झाली आहे.

सध्या सेन्सेक्य ७९,२२४ अंकांवर तर निफ्टी २४०९९ वर (Share Market) आहे. अर्थमंत्री निर्मला सीतारामन यांच्या अर्थसंकल्पीय भाषणाच्या सुरूवातीला शेअर मार्केटमध्ये तेजी पाहायला मिळाली होती. त्यानंतर मात्र मोठ्या प्रमाणात बाजार वेगात खाली आलाय. अर्थमंत्री निर्मला सीतारामन यांचे अर्थसंकल्पीय भाषण सुरू (Sensex Nifty) असताना, शेअर बाजाराने वेग पकडला होता. परंतु त्यानंतर मात्र मोठी घसरण झाल्याचं समोर आलंय.