Share Market Crash : गुढीवाडव्याच्या दिवशीच शेअर बाजार कोसळलं आहे. सेन्सेक्स आणि निफ्टी एक दिवसांत ३ टक्क्यांहून अधिक अंकांनी घसरलं आहे. कच्च्या तेलाच्या किंमती कडाडल्याने शेअर बाजारातही भीती पसरल्याचे दिसत आहे.

शेअर बाजारात आज गुरुवारी दिवसाअखेर सेन्सेक्स २,४९६.८९ अंकांनी कोसळून ७४,२०७.२४ वर बंद झाला. तर निफ्टी ७७५.६५ अंकांनी घसरून २३,००२.१५ अंकावर स्थिरावला. निफ्टी बँक इंडेक्स जवळजवळ २००० अंकांनी घसरला. मागील २१ महिन्यात म्हणजे जून २०२४ निफ्टी ५० मध्ये सर्वाधिक अंकांनी घसरला आहे.

बाजारात चौफेर पझझड पाहायला मिळत आहे. निफ्टीचे १६ सेक्टोरल इंडेक्स लाल रंगात दिसत आहे. बँक आणि फायन्शिअल क्षेत्राशी निगडीत शेअरमध्ये मोठी घसरण पाहायला मिळाली. या शेअरमध्ये ३ टक्क्यांची घसरण पाहायला मिळाली. यात HDFC बँकेचे शेअर अधिक प्रमाणात घसरल्याचे सांगण्यात येत आहे. मीडकॅप, स्मॉलकॅप शेअरमध्येही घसरण सुरू आहे. निफ्टी मिडकॅप १०० आणि स्मॉलकॅप १०० इंडेक्स २-२ टक्क्यांनी घसरले आहे.

कच्च्या तेलाच्या किंमतीत मोठी घसरण झाल्याने बाजारात पडझड झाल्याचे सांगण्यात येत आहे. कच्च्या तेलाचा दर सध्या १२० डॉलर प्रति बॅरलवर पोचला आहे. पश्चिम आशियामध्ये एनर्जी इन्फ्रास्ट्रक्चर होणाऱ्या हल्ल्यामुळे तेल आणि गॅस पुरवठ्यांत अडचणी येऊ लागल्या आहेत. यामुळे तेलाच्या किंमती उसळल्या आहेत.

सेन्सेक्सचे ३० पैकी ३० शेअर घसरले आहेत. इटरनलचा शेअर ५.६५ टक्क्यांनी घसरला. बजाज फायनान्स, एचडीएफसी बँक, महिंद्रा अँड महिंद्रा आणि लार्सन अँड टुब्रोच्या शेअरमध्ये ४.७२ टक्क्यांपासून ५.४२ टक्क्यांपर्यंत घसरली आहे.