रिझर्व्ह बँक ऑफ इंडियाने आता चलनविषयक धोरणात्मक बैठकीत महत्त्वाचे निर्णय घेतले आहेत. यामध्ये रेपो रेट कमी होईल अशी अपेक्षा सर्वसामान्य नागरिकांना होती. परंतु रेपो रेट कमी झाला नाही.दरम्यान, जर तुम्ही भविष्यात गृहकर्ज टॉपअप करण्याचा विचार करत असाल तर तुम्हाला अडचणी येऊ शकतात, असा अंदाज आरबीआयचे गव्हर्नर शक्तिकांत दास यांनी वर्तवला आहे.

रिझर्व्ह बँक ऑफ इंडियाने सलग ९ वर्षे रेपो रेट ६.५ टक्के ठेवला आहे. त्यामुळे सर्वसामान्य नागरिकांना ईएमआयमध्ये कोणतीही सवलत मिळणार नाही. दरम्यान आरबीआयचे गव्हर्नर शक्तिकांत दास होम लोन टॉप अप करण्याबाबत चिंता वर्तवली आहे.

आरबीआयच्या म्हणण्यांनुसार, सर्वसामान्य लोक जास्त प्रमाणात होम लोन टॉप अप करत आहेत. हा एक चिंतेचा विषय आहे. लोकांची स्टॉक मार्केटमध्ये गुंतवणूक वाढतआहे. त्यामुळे बँकाना लोन देताना सावधगिरी बाळगाला हवी. होम लोन टॉपअप करताना व्यवस्थित पडताळणी करायला हवी, असं आरबीआयने सांगितले आहे.

शक्तिकांत दास यांनी सांगितले की, गेल्या काही दिवसापासून होम लोन टॉप करणाऱ्या ग्राहकांच्या संख्येत वाढ होत आहे. बँका आणि nbfc सोन्याच्या कर्जाप्रमाणेच ग्राहकांना होम लोन टॉप अप करुन देत आहे. परंतु कर्जाची रक्कम मालमत्तेच्या किंमतीच्या आत असणे गरजेचे आहे. मात्र ग्राहक या नियमांचे पालन न करत असल्याचे निदर्शनास आले आहे. त्यामुळे होम लोन टॉप अप करणाऱ्या ग्राहकांना फटका बसू शकतो. अनेक ग्राहक सतत होन लोन टॉप अप करताना दिसत आहे.त्यामुळे दिलेल्या कर्जाचा गैरवापर किंवा वेगळ्याच ठिकाणी वापर होऊ शकतो.या परिस्थितीत बँका आण इतर वित्तीय संस्थांनी या प्रकरणांचा आढावा घेऊन त्यावर कारवाई करायला हवी.