रिझर्व्ह बँक ऑफ इंडियाने पेटीएमवर मोठी कारवाई केली आहे. रिझर्व्ह बँकेने पेटीएम पेमेंट्स बँक लिमिटेडचा बँकिंग परवाना रद्द केला आहे.बँकिंग नियमन कायदा, १९४९ अंतर्गत हा परवाना रद्द केला आह. आता पेटीएम पेमेंट्स बँक भारतात कोणत्याही प्रकारचे व्यव्हार करण्यास पात्र राहणार नाहीये.

RBI चा पेटीएम पेमेंट्स बँकेला दणका (RBI Strict Action on Paytm Payments Bank)

रिझर्व्ह बँक ऑफ इंडियाने यासंदर्भात आदेश जारी केले आहे. यामध्ये त्यांनी पेटीएम पेमेंट्स बँकेवर का कारवाई केली याबाबत माहिती दिली आहे. ठेवीदारांचे हित लक्षात घेऊन रिझर्व्ह बँक ऑफ इंडियाने हे महत्त्वाचे पाऊल चलले आहे. ही बँक कायमस्वरुपी बंद व्हावी, मालमत्ता विकून ठेवीदारांचे पैसे परत करता यावेत, यासाठी उच्च न्यायालयात अर्ज करणार असल्याचेही बँकेने सांगितले आहे.

पेटीएम पेमेंट्सचा परवाना रद्द करण्यामागचे कारण काय? (Why RBI Cancel Paytm Payment Bank License)

रिझर्व्ह बँकने म्हटलंय की, पेटीएम पेमेंट्स बँकेला बँकिंग व्यव्हार करण्यास मनाई केली आहे. बँकेचे कामकाज हे बँकेच्या आणि ठेवीदारांच्या हितासाठी हानिकारक होते, असं आरबीआयने निवेदनात म्हटलं आहे.जनहितासाठी हा निर्णय प्रतिकूल असल्याचेही बँकेने निवेदनात म्हटले आहे.

पेटीएम पेमेंट्स बँकेचे खराब कामकाज, खातेधारकांना धोका, व्यवस्थापनावरील अविश्वास आणि अटी शर्तींचे पालन न करणे या कारणांमुळे पेटीएम पेमेंट्स बँकेचे लायसन्स रद्द करण्याचा निर्णय घेतल आहे. याआधीही रिझर्व्ह बँकेने ही कारवाई केली होती. २०२२ पर्यंत नवीन ग्राहक जोडण्यावर बंदी घातली होती. २०२४ पर्यंत खात्यात पैसे जमा करणे बंद केले होते. यामुळे अनेक गोष्टींवर परिणाम झाला होता.