Senior Citizen Post Office Savings Scheme

पोस्ट ऑफिसमध्ये अनेक योजना आहेत, या योजना आपल्याला चांगला परतावा देतात. अशीच एक योजना ज्येष्ठ नागरिक बचत योजना ( Savings Scheme) आहे. ही योजना पोस्ट ऑफिस ज्येष्ठ नागरिकांसाठी राबवत आहे. या योजनेत ज्यांचे वय 60 वर्षांपेक्षा जास्त आहे, असे लोकं पैसे गुंतवू शकतात. आपण या योजनेबद्दल सविस्तर जाणून घेऊ या. (latest sarkari yojana)

पोस्ट ऑफिस सीनियर सिटीझन सेव्हिंग स्कीममध्ये (Senior Citizen Savings Scheme) तुम्ही किमान 1 हजार रुपयांची गुंतवणूक सुरू करू शकता. गुंतवणूकदार या योजनेमध्ये जास्तीत जास्त 30 लाख रुपयांची गुंतवणूक करू शकतो. म्हणजेच ज्येष्ठ नागरिक निवृत्तीनंतरचे पैसे सरकारच्या या योजनेत गुंतवू शकतात. या योजनेत गुंतवणूक केल्यास 80C अंतर्गत सूट मिळते.

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

योजना वृद्धांसाठी फायदेशीर

सेवानिवृत्तीनंतर नियमित उत्पन्न मिळावं, या उद्देशाने पोस्ट ऑफिसची (Post Office Scheme) ही योजना बनवण्यात आली आहे. ही योजना व्हीआरएस घेतलेल्यांसाठी देखील फायदेशीर आहे. ज्येष्ठ नागरिक बचत योजनेचा सध्या व्याजदर 8.2 टक्के आहे. ज्येष्ठ नागरिकांनी या योजनेत एकत्रितपणे 5 लाख रुपये जमा केल्यास त्यांना प्रत्येक तिमाहीत 10 हजार 250 रुपये मिळू शकतात.

पाच वर्षात फक्त व्याजातून 2 लाख रुपये मिळतात. जर 30 लाख रुपये या योजनेमध्ये गुंतवले तर तुम्हाला वार्षिक 2 लाख 46 हजार 000 रुपये व्याज मिळते. म्हणजेच मासिक आधारावर 20,500 रुपये (Post Office Saving Scheme) आणि तिमाही आधारावर 61,500 रुपये मिळतात.

ज्येष्ठ नागरिक बचत योजनेचे फायदे

ज्येष्ठ नागरिक बचत योजना भारत सरकारद्वारे चालवली जाणारी एक छोटी बचत योजना आहे. यामध्ये गुंतवणूकदारांना आयकर कायदा कलम 80C अंतर्गत दरवर्षी 1.5 लाख रुपयांपर्यंत कर सूट (Investment Tips) मिळते. या योजनेत दरवर्षी 8.2 टक्के दराने व्याज मिळते.

ही योजना गुंतवणूकदारांसाठी खूप फायदेशीर (Latest Utility News) आहे. यामध्ये दर 3 महिन्यांनी व्याजाचे पैसे गुंतवणूक दाराला मिळतात. दरवर्षी जानेवारी, एप्रिल, जुलै आणि ऑक्टोबर महिन्याच्या पहिल्याच दिवशी खात्यात व्याज जमा केले जाते.