प्रत्येकाने पगारातील एक ठरावीक रक्कम गुंतवणूक करायची असते. तुमचे पैसे तुम्ही एखाद्या योजनेत गुंतवणूक करु शकतात. तुम्ही पोस्ट ऑफिसच्या पीपीएफ योजनेत गुंतवणूक करु शकतात. पीपीएफमधील गुंतवणूकीवर तुम्हाला जबरदस्त परतावा मिळतो. या योजनेत तुमची गुंतवणूक टॅक्स फ्री असणार आहे. या योजनेत तुम्हाला मॅच्युरिटीनंतर लाखो रुपये मिळणार आहेत.

पब्लिक प्रोव्हिडंट फंडमध्ये गुंतवणूक (PPF Investment Calculation)

पब्लिक प्रोव्हिडंट फंडमध्ये तुम्हाला ७.१ टक्के व्याज मिळणार आहे. या योजनेत गुंतवणूकदारांना चांगला फायदा मिळते. या योजनेत कलम 80C अंतर्गत टॅक्स सूट मिळते. मॅच्युरिटीवर मिळणारी रक्कम ही टॅक्स फ्री असते.

पोस्ट ऑफिसच्या पीपीएफ स्कीमचा लॉक इन कालावधी १५ वर्षांचा असणार आहे. या योजनेत तुम्ही ५०० रुपयांपासून गुंतवणूकीला सुरुवात करु शकतात. तुम्ही एका वर्षभरात जास्तीत जास्त १.५० लाख रुपये जमा करु शकतात. योजनेचा कालावधी १५ वर्षांचा असणार आहे. यामध्ये तुम्हाला अजून ५ वर्ष गुंतवणूक करायची असेल तर करु शकतात.

या योजनेत जर तुम्ही वर्षाला १.५ लाख रुपये म्हणजेच महिन्याला १२५०० रुपये गुंतवले पाहिजे. जर तुम्ही १५ वर्षांसाठी गुतंवणूक केली तर त्यावर ७.१ टक्के व्याजदर मिळेल. या योजनेत १५ वर्षात तुमची गुंतवणूक २२,५०,००० रुपये होणार आहे. त्यावर व्याज १८,१८,२०९ रुपये मिळणार आहे. म्हणजेच तुम्हाला एकूण ४०,६८,२०९ रुपये मिळणार आहे.

पीपीएफ योजनेअंतर्गत तुम्ही जवळच्या पोस्ट ऑफिसमध्ये जाऊन अकाउंट ओपन करु शकतात. या योजनेत तुम्हाला लोन घ्यायचीही सुविधा मिळेल. या योजनेत तुम्हाला ५ वर्षांनंतर तुम्हाला पैसे काढता येणार आहे.