Government Scheme: मोठी बातमी! या सरकारी योजनेत आता १५०० नव्हे तर ₹२५०० मिळणार; राज्य सरकारची घोषणा

राज्य सरकारने नागरिकांसाठी अनेक योजना राबवल्या आहेत. आता यातील एका योजनेअंतर्गत अनुदानात वाढ करण्यात आली आहे. सामाजिक न्याय व विशेष साहाय्य विभागाने दिव्यांग निराधार योजनेच्या अनुदानात वाढ केली आहे. आता योजनेतील दिव्यांग नागरिकांना २५०० रुपये मिळणार आहे. परंतु यासाठी एक अट ठेवण्यात आली आहे.

संजय गांधी निराधार योजनेत किती रुपये मिळतात? What is the monthly payment of Sanjay Gandhi Niradhar Yojana?

संजय गांधी निराधार योजनेत लाभार्थ्यांना १५०० रुपये मिळतात. मात्र, या योजनेतील दिव्यांग नागरिकांसाठी अनुदानात वाढ केली आहे. आता नागरिकांना २५०० रुपये मिळणार आहे.

या योजनेचा लाभ सुरु ठेवण्यासाठी तुम्हाला आधार कार्ड लिंक करणे गरजेचे आहे. याचसोबत लाभार्थ्यांना यूडीआयडी अपडेट करुन सादर करणेदेखील अनिवार्य केले आहे. दरम्यान, ज्या लाभार्थ्यांना यूडीआयडी सादर केले नाही त्यांना योजनेचा लाभ मिळण्यास अडचणी येऊ शकतात.

संजय गांधी निराधार योजना, श्रावण राज्य निवृत्तीवेतन योजना आणि इंदिरा गांधी राष्ट्रीय दिव्यांग निवृत्ती वेतन योजनेत यूडीआयडी आणि आधार कार्ड लिंक करणे अनिवार्य केले आहे. जर तुम्ही हे दोन्ही आयडी लिंक केले नाही तर लाभ बंद होईल. या योजनेत दिव्यांग नागरिकांना विशेष साहाय्य योजनेअंतर्गत सर्व दिव्यांग लाभार्थ्यांना अपडेट आधार कार्ड आणि यूडीआयडीची प्रत आणि बँक पासबुक संबंधित तहसील कार्यालयात योजनेच्या शाखेत जमा करायची आहे.

यूडीआयडी कार्ड आहे तरी काय? कसे काढायचे? (UDID Card for Sanjay Gandhi Niradhar Yojana)

संजय गांधी निराधार योजनेत दिव्यांग लाभार्थ्यांना यूडीआयडी कार्ड बंधनकारक केले आहे. हे दिव्यांग प्रमाणपत्र असते ते ऑनलाइन डिजिटल स्वरुपात असते. सर्वोपचार रुग्णालयातील दिव्यांग विभागातून लाभार्थ्यांना हे प्रमाणपत्र दिले जाते. या योजनेचा लाभ घेण्यासाठी लाभार्थी ४० टक्क्यांपेक्षा जास्त दिव्यांग असणे आवश्यक आहे. तुम्ही शासनाच्या स्वावलंबन पोर्टलवर जाऊन यूडीआयडी कार्डसाठी अर्ज करु शकतात. या योजनेचा लाभ घेण्यासाठी अर्जदाराचे वार्षिक उत्पन्न ५० हजारांपेक्षा कमी असावे.