केंद्र सरकारने शेतकऱ्यांसाठी पीएम किसान योजना सुरु केली आहे. पीएम किसान योजनेत शेतकऱ्यांना वर्षभरात ६००० रुपये दिले जातात. पीएम किसान योजनेचा २२वा हप्ता कधी येणार याची शेतकरी वाट पाहत आहेत.पीएम किसान योजनेचा हप्ता फेब्रुवारी महिन्यात येणे अपेक्षित होते. परंतु अजूनही पैसे जमा झालेले नाहीत. त्यामुळे अनेक प्रश्न निर्माण झाले आहेत.

पीएम किसान योजनेचा २२वा हप्ता लांबणीवर गेला आहे. फेब्रुवारी महिन्यात पैसे येतील, असं सांगितलं होतं. त्यानंतर होळीआधी शेतकऱ्यांना २००० रुपये मिळतील, असं सांगितलं होतं. मात्र, अजूनही पैसे जमा झालेले नाहीत. आता लवकरच हप्त्याची घोषणा होण्याची शक्यता वर्तवली जात आहे. दरम्यान, तुम्हाला पैसे मिळणार की नाही हे जाणून घ्या.

पीएम किसानचा हप्ता तुम्हाला मिळणार की नाही?

पीएम किसानचा हप्ता तुम्हाला मिळणार की नाही हे चेक करण्यासाठी सर्वात आधी अधिकृत वेबसाइटवर जा.

यानंतर तुम्हाला होमपेजवर Beneficiary List ऑप्शन दिसणार आहे त्यावर क्लिक करा.

यानंतर तुम्हाला तुमचे राज्य, जिल्हा, तालुका आणि गाव सिलेक्ट करायचे आहे. यानंतर गेट रिपोर्ट या बटणवर क्लिक करा.

यानंतर तुम्ही दिलेल्या माहितीनुसार तुम्हाला तुमच्या गावातील लाभार्थी शेतकऱ्यांची नावे दिसणार आहे.

या यादीत तुम्ही तुमचे नाव आहे की नाही हे चेक करु शकतात.

स्टेट्‍स कसा चेक करायचा? (PM KIsan Yojana Status Check)

पीएम किसान योजनेत तुम्ही स्वतःचा स्टेट्‍सदेखील चेक करु शकतात.

सर्वात आधी तुम्हाला अधिकृत वेबसाइटवर जायचे आहे. तिथे तुम्हाला Know Your Status सेक्शनवर क्लिक करायचे आहे.

यानंतर तुमचा रजिस्ट्रेशन नंबर टाकायचा आहे. यानंतर कॅप्चा कोड टाका. यानंतर तुम्हाला पैसे मिळणार की नाही हे कळणार आहे.