पीएम किसान योजनेच्या लाभार्थ्यांसाठी महत्त्वाची बातमी आहे. पीएम किसान योजनेचा २२व्या हप्त्याची वाट पाहत आहेत. आतापर्यंत शेतकऱ्यांच्या खात्यात २१ हप्ते जमा करण्यात आले आहे. पुढचा हप्ता फेब्रुवारीमध्ये जमा करणार असल्याचे बोलले जात होते. आता पैसे कधी येणार याकडे सर्वांचेच लक्ष आहे.

देशाच्या अर्थसंकल्पानंतर शेतकऱ्यांच्या खात्यात पैसे जमा केले जातील, असं सांगितलं होतं. दरम्यान, अजूनही काहीही घोषणा झालेली नाही. याचसोबत आता पुढच्या महिन्यात होळी आहे. त्यामुळे त्यादरम्यान शेतकऱ्यांच्या खात्यात पैसे जमा केले जाऊ शकतात. या कालावधीत कधीही शेतकऱ्यांच्या खात्यात २००० रुपये जमा केले जाऊ शकतात.

पीएम किसान योजना ही कृषी विभागाअंतर्गत येते. कृषी विभागाद्वारे हे पैसे ट्रान्सफर केले जातात. यासाठी सर्व डेटा तयार केला जातो. त्यानंतर पैसे ट्रान्सफर केले जातात. याबाबत कृषी विभाग सोशल मिडिया आणि पीएम किसानच्या अधिकृत वेबसाइटवर माहिती देतात.

सूत्रांनी दिलेल्या माहितीनुसार, पीएम किसानचा २२वा हप्ता जमा करण्याची तयारी जवळपास पूर्ण झाली आहे. लवकरच शेतकऱ्यांच्या खात्यात पैसे ट्रान्सफर केले जातील. दरम्यान, २१वा हप्ता जमा होण्यास उशिर झाला होतो. काही तांत्रिक अडचणींमुळे पैसे जमा होण्यास उशिर झाला होता. परंतु यावेळी उशिर होणार नसल्याचे समोर आले आहे.

पीएम किसान योजनेचा हप्ता २४ फेब्रुवारीच्या आसपास येऊ शकतो. याचसोबत काही मिडिया रिपोर्टनुसार, होळीच्या दिवशी शेतकऱ्यांच्या खात्यात पैसे जमा केले जाऊ शकतात. याबाबत कोणतीही अधिकृत माहिती समोर आलेली नाही.