देशातील शेतकऱ्यांसाठी केंद्र सरकारने पीएम किसान योजना सुरु केली आहे. पीएम किसान योजनेत शेतकऱ्यांना वर्षभरात ६००० रुपये दिले जातात.या योजनेत प्रत्येक तीन हप्त्यांमध्ये पैसे दिले जातात. दरम्यान, आतापर्यंत शेतकऱ्यांना २१ हप्ते दिले होते. यानंतर २२वा हप्ता कधी येणार याकडे सर्वांचेच लक्ष लागले आहे.

शेतकऱ्यांना २००० रुपये कधी मिळणार?

शेतकऱ्यांना वर्षभरात ३ हप्त्यांमध्ये प्रत्येकी २००० रुपये दिले जातात.दर चार महिन्यांनी हे पैसे दिले जातात. आता शेवटचा हप्ता नोव्हेंबर महिन्यात आला होता. हा हप्ता ऑक्टोबरमध्ये द्यायला हवा होता. दरम्यान, आता त्यानंतरचा हप्ता फेब्रुवारी महिन्यात येण्याच शक्यता आहे. फेब्रुवारीच्या कोणत्याही आठवड्यात शेतकऱ्यांना पैसे मिळू शकतात. दरम्यान, याबाबत कोणतीही अधिकृत माहिती समोर आलेले नाही.

पीएम किसानचा हप्ता मिळवण्यासाठी हे का कराच (PM Kisan Yojana eKYC)

पीएम किसान योजनेचा लाभ मिळवण्यासाठी शेतकऱ्यांना केवायसी करणे गरजेचे आहे. जर तुम्ही केवायसी केली नाही तर योजनेचा हप्ता मिळणार आहे. तुम्हाला ऑनलाइन पद्धतीने वेबसाइटवर जाऊन केवायसी करायची आहे. यासाठी सर्वात आधी पीएम किसानच्या वेबसाइटवर जायचे आहे. यानंतर फार्मर्स कॉनरवर क्लिक करा. तिथे तुम्हाला केवायसीचा ऑप्शन दिसेल त्यावर क्लिक करा. यानंतर तुम्हाला फोन नंबर आणि आधार कार्ड नंबर टाकायचा आहे. यानंतर तुमच्या फोनवर ओटीपी येईल. हा ओटीपी टाकल्यानंतर केवायसीची प्रोसेस पूर्ण होईल.

पीएम किसान योजनेचा स्टेट्स कसा चेक करायचा? (PM Kisan Yojana Status Check)

तुम्हाला पीएम किसान योजनेचा स्टेट्सदेखील चेक करता येतो. यासाठी वेबसाइटवर जाऊन स्टेट्स या ऑप्शनवर क्लिक करायचे आहे. यानंतर तुम्हाला विचारलेली माहिती भरा. यानंतर तुम्हाला तुमचा स्टेट्स दिसेल. त्यावरुन तुम्हाला पैसे मिळणार की नाही हे समजणार आहे.