पीएम किसान योजनेचे लाभार्थी २२ व्या हप्त्याची वाट पाहत आहेत. पीएम किसानचा २२वा हप्ता फेब्रुवारी महिन्यात दिला जाईल, असं सांगितलं जात होतं. मात्र, अजूनही शेतकऱ्यांच्या खात्यात पैसे जमा झाले नाहीत. लवकरच हे पैसे दिले जातील, असं सागितलं आहेत. आता शेतकऱ्यांना २००० रुपये कधीपर्यंत दिला जाईल, याची संभाव्य तारीख समोर आली आहे.

या तारखेला येऊ शकतात पैसे

सूत्रांनी दिलेल्या माहितीनुसार, होळीनंतर लगेचच शेतकऱ्यांच्या खात्यात पैसे जमा केले जाण्याची शक्यता आहे. पुढच्या आठवड्याच्या शेवटपर्यंत शेतकऱ्यांच्या खात्यात २००० रुपये जमा केले जाऊ शकतात.त्यामुळे शेतकऱ्यांना पुढच्या महिन्यात गुड न्यूज मिळू शकते.

पीएम नरेंद्र मोदी १३ मार्च रोजी आसामच्या कोकराझार येथे दौऱ्यावर आहेत. हा दौरा खूप महत्त्वाचा मानला जात आहे. या दौऱ्यादरम्यान पीएम किसानच्या २२व्या हप्त्याची घोषणा केली जाऊ शकते.दरम्यान, याबाबत अधिकृत घोषणा झालेली नाही.

अशा पद्धतीने चेक करा स्टेट्‍स

पीएम किसान योजनेचा हप्ता तुम्हाला मिळणार की नाही याचा स्टेट्‍स ऑनलाइन पद्धतीने चेक करा.

सर्वात आधी तुम्हाला https://pmkisan.gov.in/ वेबसाइटवर जायचे आहे.

यानंतर Know Your Status वर क्लिक करा.

यानंतर तुमचा रजिस्ट्रेशन नंबर टाकायचा आहे.

यानंतर तुम्हाला ओटीपी येईल. तो टाकून वेरिफाय करा.

ओटीपी वेरिफाय झाल्यानंतर तुम्हाला तुमचा स्टेट्‍स कळणार आहे. तुम्हाला पैसे मिळणार की नाही याची माहिती मिळणार आहे.