शेतकऱ्यांसाठी आनंदाची बातमी आहे. पीएम किसान योजनेत शेतकऱ्यांना आता उद्या २१वा हप्ता मिळणार आहे. गेल्या अनेक दिवसांपासून शेतकरी २१व्या हप्त्याची वाट पाहत होते. दरम्यान, आता शेतकऱ्यांच्या खात्यात उद्या पैसे जमा केले जाणार आहेत. दरम्यान, या योजनेचा लाभ घेण्यासाठी शेतकऱ्यांना आधी ईकेवायसी करायची आहे.

हे काम आताच करा अन्यथा मिळणार नाही पीएम किसानचे २००० रुपये (PM Kisan Yojana Update)

पीएम किसान योजनेच्या लाभार्थ्यांना केवायसी करणे अनिवार्य आहे. जर तुम्हाला योजनेचा लाभ घ्यायचा असेल तर केवायसी करावी लागणार आहे. त्यामुळे जर तुम्ही अजूनही केवायसी केली नसेल तर लगेच करा.केवायसी तुम्ही ऑनलाइन आणि ऑफलाइन पद्धतीने केवायसी करु शकतात.

केवायसी कशी करायची? (PM Kisan Yojana KYC Link)

पीएम किसान योजनेच्या अधिकृत वेबसाइट pmkisan.gov.in वर जा.

यानंतर फार्मर्स कॉनर या सेक्शनमध्ये जाऊन ई केवायसी ऑप्शन निवडा.

यानंतर तुमचा आधार नंबर आणि रजिस्टर मोबाईल नंबर टाका. तुम्हाला ओटीपी येईल.

ओटीपी टाकल्यानंतर प्रोसेस पूर्ण होईल. यानंतर तुम्हाला ईकेवायसी पूर्ण झाल्याचा मेसेज येईल. यानंतर तुमची केवायसी प्रोसेस पूर्ण होईल.

केवायसी करण्यासाठी तुम्हाला फक्त आधार कार्ड गरजेचे आहे. याचसोबत आधारशी लिंक मोबाईल नंबरदेखील आवश्यक आहे.

याचसोबत तुम्ही ऑफलाइन पद्धतीने केवायसी करु शकतात. तुम्ही तुमच्या गावातील CSC सेंटरवर जाऊन केवायसी पूर्ण करु शकतात. तुम्हाला काही प्रश्न विचारले जातील. त्याची माहिती द्यायची आहे. यानंतर तुमचे केवायसी पूर्ण होईल.