केंद्र सरकारने तरुणांसाठी अनेक योजना राबवल्या आहेत. यातील एक योजना म्हणजे पीएम इंटर्नशिप योजना. या योजनेच्या तिसऱ्या टप्प्याची घोषणा करण्यात आली आहे. तरुणांना आता चांगल्या कंपनीत इंटर्नशिप करण्याची संधी मिळणार आहे.

पीएम इंटर्नशिप योजनेअंतर्गत देशभरात ३१,४८० पेक्षा अधिक इंटर्नशिपच्या संधी उपलब्ध करण्यात आल्या आहेत. या माध्यमातून अनेक तरुणांना या माध्यमातून नामांकित कंपन्यांमध्ये प्रत्यक्ष कामाचा अनुभव घेण्याची संधी मिळणार आहे. त्यामुळे तरुणांना करिअरमध्येही खूप फायदा होणार आहे.

पीएम इंटर्नशिप योजनेत माहिती तंत्रज्ञान, बँकिंग आणि वित्तीय सेवा, पायाभूत सुविधा, रिटेल, ऑटोमोबाईल, औषधनिर्माण, उत्पादन, मीडिया, शिक्षण, पर्यटन, आरोग्य आदी विविध क्षेत्रांमध्ये इंटर्नशिप उपलब्ध आहेत. विविध विभागात काम करण्याची संधी तुम्हाला मिळणार आहे.

प्रधानमंत्री इंटर्नशिप योजनेतील तरुणांना ६ ते ९ महिन्यासाठी काम करावे लागणार आहे. या कालावधी ९००० रुपयांचे विद्यावेतन दिले जाणार आहे. याचसोबत इंटर्नशिप पूर्ण झाल्यानंतर प्रमाणपत्र मिळणार आहे. त्याचा तुम्हाला भविष्यात करिअरमध्ये खूप फायदा होणार आहे.

पात्रता (PM Internship Scheme Eligibility)

पीएम इंटर्नशिप योजनेत १८ ते २५ वयोगटातील तरुण अर्ज करु शकतात. तरुण भारताचा नागरिक असणे गरजेचे आहे. किमान १०वी, १२वी पास, आयटीआय डिप्लोमा आणि पदवीधारक उमेदवार या इंटर्शिपसाठी अर्ज करु शकता. शिक्षण घेत असलेले उमेदवारदेखील या इंटर्नशिपसाठी अर्ज करु शकतात. जे उमेदवार ऑनलाइन किंवा दूरस्थ शिक्षण घेत आहे तेदेखील अर्ज करु शकतात.

sया योजनेत इच्छुक उमेदवारांनी pminternship.mca.gov.in या वेबसाइटवर जाऊन अर्ज करायचा आहे. पुणे जिल्ह्यात विविध शैक्षणिक पात्रतेनुसार रिक्त पदे उपलब्ध असून इच्छुकांनी तातडीने अर्ज करावा, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्र, पुणे यांनी केले आहे.