प्रत्येकजण आपल्या भविष्यासाठी गुंतवणूक करत असतात. शेअर मार्केट, म्युच्युअल फंड आणि विविध योजनांमध्ये गुंतवणूक करत असतात. सरकारच्या अनेक योजनांमध्ये तुम्हाला चांगला परतावा मिळतो. तुम्ही नॅशनल पेन्शन स्कीममध्ये गुंतवणूक करु शकतात. या योजनेत तुम्हाला खूप जास्त परतावा मिळतो. या योजनेत तुम्हाला दर महिन्याला पेन्शनसोबत कोट्यवधी रुपये मिळतात.

नॅशनल पेन्शन स्कीममध्ये तुम्हाला महिन्याच्या गुंतवणूकीवर चांगला परतावा मिळतो. या योजनेत प्रायव्हेट आणि सरकारी कर्मचारी गुंतवणूक करु शकतात. या योजनेतील गुंतवणूकीमुळे तुम्हाला सेवानिवृत्तीनंतर दर महिन्याला निश्चित पेन्शन मिळते. या योजनेत टॅक्सपासूनदेखील सूट मिळते. या योजनेतील रिटर्न हे मार्केटवर आधारित असतात.

एनपीएस अकाउंट हे पोर्टेबल आहे. या योजनेत तुम्ही देशात कुठूनही गुंतवणूक करु शकतात. या योजनेत रिटायरमेंटनंतर तुम्ही ६० टक्के रक्कम काढू शकतात. तर ४० टक्के पेन्शन योजनेत टाकले जातात. या योजनेत टियर १ आणि टियर २ मध्ये पैसे टाकले जाते.

एनपीएसमध्ये दर महिन्याला गुंतवणूक केली जाते. या योजनेत जर तुम्ही ४० वर्षांचे आहात तर पुढील २० वर्षांसाठी गुंतवणूक केली तर तुम्हाला १ लाख रुपयांची पेन्शन मिळू शकते. या योजनेत तुम्हाला दर महिन्याला २० हजार रुपये टाकावे लागतील. या योजनेत दरवर्षी १० टक्के गुंतवणूक वाढवावी लागेल. म्हणजेच २० वर्षानंतर तुमच्याकडे ३ कोटी २३ लाख रुपये जमा होणार आहेत.

या योजनेत तुम्ही एकूण १.३७ कोटी रुपये गुंतवणूक कराल. त्यामध्ये ४१.२३ लाख रुपयांची टॅक्स सेव्हिंग होईल. तुम्हाला १.८५ कोटी रुपये परतावा मिळणार आहे.या योजनेत तुम्हाला पेन्शन वेल्थच्या अॅन्युटी प्लानमध्ये ५५ टक्के गुंतवणूक करावी लागेल. त्यावर ८ टक्के अॅन्युटी रेट मिळेल. यात पेन्शन वेल्थ १.६२ कोटी रुपये असेल. या योजनेत दर महिन्याला जवळपास १ लाख रुपये पेन्शन मिळणार आहे.