नोव्हेंबर महिना संपायला अवघे काही दिवस उरले आहेत. याचसोबत अनेक महत्त्वाची कामे करण्यासाठी डेडलाइन जवळ आली आहे. तुम्हाला ३० डिसेंबरपर्यंत काही कामे करणे अनिवार्य आहेत. जर तुम्ही ही कामे केली नाही तर तुम्हाला पुढच्या महिन्यात अनेक अडचणी येऊ शकतात. दरम्यान, १ डिसेंबरपासूनदेखील पैशांसंबंधित अनेक नियमांमध्ये बदल होणार आहेत.

यूनिफाइड पेन्शन स्कीम निवडण्याची शेवटची तारीख (Unified Pension Scheme)

सरकारी कर्मचाऱ्यांना यूनिफाइड पेन्शन स्कीम निवडण्याची शेवटची तारीख ३० नोव्हेंबर निश्चित करण्यात आली आहे. याआधी शेवटची तारीख ३० सप्टेंबर होती. आता दोन महिन्याची मुदत वाढवून देण्यात आली आहे. १ डिसेंबरनंतर तुम्हाला यूपीएस निवडण्याची परवानगी नाहीये.

पेन्शनधारकांसाठी नियम (Pension Rule)

पेन्शनधाकांना दरवर्षी लाइफ सर्टिफिकेट जमा करावे लागते. यावर्षी ३० नोव्हेंबरपर्यंत तुम्ही लाइफ सर्टिफिकेट जमा करु शकतात. जर तुम्ही हे काम केले नाही तर तुम्हाला पेन्शन मिळणार नाही.

एलपीजी गॅसच्या किंमती (LPG Gas Price)

१ डिसेंबरपासून एलपीजी गॅसच्या किंमतीत बदल होणार आहे. दर महिन्याच्या १ तारखेला एलपीजी गॅसचे नवे दर अपडेट होतात. डिसेंबरमध्येही गॅस दरात बदल होणार आहे.

एटीएफच्या दरात बदल (ATF Price)

ऑइल मार्केटिंग कंपन्या ATF (Aviation Turbine Fuel) मध्येही बदल करणार आहेत. १ डिसेंबरपासून एटीएफच्या किंमती बदलणार आहे. या किंमती वाढण्याची शक्यता वर्तवली जात आहे.