महाराष्ट्र सरकारच्या मुख्मंत्री लाडकी बहीण योजनेचा अनेक महिलांना लाभ मिळतो. दर महिन्याचा हप्ता थेट महिलांच्या खात्यामध्ये पाठवला जातो. मार्च - एप्रिल महिन्याचा हप्ता खात्यात जमा झालेला आहे. आता मे महिन्याचा शेवटचा आठवडा सुरू आहे. तर लाभार्थी महिलांच्या मनात मे महिन्याचा हप्ता कधी येणार? असा प्रश्न उपस्थित झाला आहे. पुढील माहितीत आपण याबद्दल महत्वाची अपडेट जाणून घेणार आहोत.

मार्च-एप्रिलचा हप्ता जमा

आता लाडकी बहीण योजनेचा १५०० चा मार्च-एप्रिलचा हप्ता लाभार्थी महिलांना मिळालेला आहे. मात्र यामध्ये ई-केवायसी (e-kyc) न केलेल्या महिलांना याचा लाभ घेता आलेला नाही. तसेच फक्त पात्र महिलांनाच याचा हप्ता मिळणार आहे. ई-केवायसी केल्यानंतर ७० लाख महिला या अपात्र ठरल्या. त्यांचा हप्ता सरकारने बंद करण्याचा निर्णय घेतला.

लाडकीचा मे महिन्याचा हप्ता कधी येणार?

लाडक्यांना आता पुढील हप्ता कधी येणार याची चिंता लागली आहे. तर याचा हप्ता १० जून ते १५ जून या दरम्यान येतील असा अंदाज आहे. याचे पैसे ई-केवायसी केलेल्या महिलांच्या खात्यात पाठवले जातील. तर ज्या महिला अपात्र आहेत. त्यांना पैसे मिळणार नाहीत. याआधी सरकारने महिलांना ई-केवायसी करण्याची सक्ती केली होती. त्यामध्ये काही महिलांना ती करता आली नाही. म्हणून पुन्हा यामध्ये याच्या मुदतीत वाढ करण्यात आली होती. ३१ एप्रिल ही ई-केवायसीची शेवटची तारीख होती.

पात्र-अपात्र लाडक्या बहिणी

लाडकी बहीण योजनेचा आकडा हा अडीच कोटींचा होता. त्यातील ७० लाख महिला या अपात्र ठरल्या असून १ कोटी ७७ लाख महिला या पात्र ठरल्या. कारण त्यातील काही महिलांनी चुकीच्या पद्धतीने लाभ घेतला होता. त्यांच्यावर कारवाई केली जाणार असं मंत्री आदिती तटकरे यांनी माध्यमांना सांगितलं.