आयुष्यात यशस्वी होण्यासाठी मेहनत ही खूप जास्त गरजेची असते. जर तुम्ही १०० टक्के मेहनत घेतली तर तुम्हाला नक्कीच यश मिळते. असंच यश अदीबा अहमद यांना मिळालं आहे. अदीबाने यूपीएससी परीक्षा क्रॅक केली आहे. यवतमाळच्या लेकीचं हे यश सर्वांसाठी प्रेरणादायी आहे. यवतमाळची अदीबा अहमद ही महाराष्ट्रातील पहिली मुस्लिम आयएएस ऑफिसर झाली आहे.

अदीबा अहमदने खूप मेहनत घेतली. यूपीएससी २०२४ परीक्षेत तिने १४२ रँक प्राप्त केली आहे. अदीबाने आपल्या आईवडिलांचे नाव मोठे केले आहे. अदीबाचे वडील ऑटो रिक्षा ड्रायव्हर आहे. तर आई गृहिणी आहेत.

अदीबाचे आईवडिल दोघेही जास्त शिकलेले नाही तरीही त्यांनी आपल्या मुलीला खूप चांगले शिक्षण दिले. तिच्या पाठीशी उभे राहिले. आपल्या लेकीला स्पर्धा परीक्षेसाठी नेहमी सपोर्ट केला. अदीबानेदेखील आईवडिलांचे नाव मोठे केले.

अदीबाचे शिक्षण

अदीबाने पुण्यातील अबेदा इनामदार कॉलेजमधून अभ्यास केला. तिने उर्दू आणि मॅथ्समध्ये उच्च शिक्षण पूर्ण केले. तिने ग्रॅज्युएशन पूर्ण झाल्यानंतर लगेचच यूपीएससी परीक्षेची तयारी केली. अदीबाने आपल्या संपूर्ण यशाचे श्रेय आपल्या कुटुंबाला दिले आहे. तिच्या मामाकडून तिला यूपीएससी परीक्षा देण्याची प्रेरणा मिळाली.

अनेकदा पहिल्या प्रयत्नात यश मिळत नाही. असंच काहीसं अदीबासोबत झालं. अदीबालादेखील पहिल्या प्रयत्नात यूपीएससी परीक्षेत यश मिळालं नाही. तिने दुसऱ्या प्रयत्नात चांगली रँक मिळवली. आता ती आयएएस म्हणून कार्यरत होईल.