आर्थिक वर्ष २०२५-२६ संपण्यासाठी अवघे काही दिवस उरले आहेत. त्याआधी तुम्हाला काही कामे करणे गरजेचे आहे. करदात्यांनी काही गोष्टी करणे गरजेचे आहे. नवीन आर्थिक वर्षात काही कागदपत्रे तुमच्याकडे असणे गरजेचे आहे. गुंतवणूकीचे पुरावे आणि कागदपत्रे जर साजर केली नाही तर तुम्हाला अडचणी येऊ शकतात. तुमच्या मार्चच्या पगारातून कर कपात होऊ शकते.

आर्थिक वर्ष २०२५-२६मधील गुंतवणूकीचे पुरावे तुम्हाला आताच जमा करायचे आहेत.जेणेकरुन तुमचा या महिन्यात टीडीएस कट होणार नाही. त्यासाठी ही कागदपत्रे तुमच्याजवळ ठेवा.

दोन कर प्रणालींपैकी एक निवडा

सध्या देशात दोन कर प्रणाली लागू आहे. नवीन कर प्रणाली आणि जुनी कर प्रणाली. तुमच्या उत्पन्नानुसार तुम्हाला कोणती करप्रणाली जास्त फायदेशीर ठरेल, यानुसार तुम्हाला टॅक्स प्रणाली निवडायची आहे. जुन्या कर प्रणालीत जास्त प्रमाणात सवलत मिळू शकते. यासाठी मार्चपूर्वी हे पुरावे जमा करणे गरजेचे आहे.

कर सवलत मिळवण्यासाठी तुम्हाला काही कागदपत्र जमा करावी लागणार आहे. यामध्ये बँक स्टेटमेंट, म्युच्युअल फंड किंवा भाडेकरार पावती जमा करणे गरजेचे आहे.

भाडेपावती

घरभाडे भत्ता आणि भाडे पावती जमा करणे गरजेचे आहे. घरमालकाचा पॅन नंबर असणे आवश्यक आहे.

इन्व्हेस्टमेंट पुरावे

तुम्ही जर एलआयसी, पीपीएफ, एनपीएसमध्ये गुंतवणूक करत असाल तर त्याचे पुरावे जमा करा. याचसोबत मुलांच्या शिक्षण शुल्काच्या पावत्यादेखील तुमच्या कामाला येऊ शकतात.

होमलोन सर्टिफिकेट

तुम्हाला होम लोन सर्टिफिकेट जमा करायचे आहे. व्याज आणि मुद्दलीवरील करसवलतीसाठी बँकेकडून इंटरेस्ट सर्टिफिकेट असणे गरजेचे आहे.

चुकीची माहिती देऊ नका

सध्या आयकर प्रणाली पूर्णपणे डिजिटल आहे. तुमच्या सर्व आर्थिक व्यव्हारांची माहिती Annual Information Statement (AIS) आणि Form 26AS याद्वारे दिली जाते. यामुळे चुकीची माहिती देऊ नका. चुकीची माहिती दिल्यास आयकर विभाग कारवाई करु शकतात.