इराणचं धाड-धाड, उडवून टाकलं थाड, अमेरिकन संरक्षण प्रणाली इस्रायलमध्ये फेल

सहापट मोठ्या अमेरिकेला आणि लष्करी शस्त्रसामग्रीनं सज्ज असलेल्या इस्रायलाही इराणनं जेरीस आणलंय. अमेरिकन मिसाईल डिफेन्स सिस्टमच्या सुरक्षेत बसून शेजारील राष्ट्रांना डोळे दाखवणाऱ्या इस्रायलवर आता इराणनं घाव घालायला सुरुवात केलीये. इराणी क्षेपणास्त्रानं आता अमेरिकेलाही तोंडघशी पाडलंय. कारण इस्रायलच्या सुरक्षेसाठी लावलेल्या थाड संरक्षण प्रणालीला भेदून इराणनं इस्रायल लक्ष केल्यानं अमेरिकेचंही टेन्शन वाढलंय. ही थाड संरक्षणप्रणाली काय आहे पाहा,

अमेरिकन मिसाइल डिफेन्स प्रणाली म्हणजे काय?

शत्रुचं मिसाइल आकाशातच पाडून नष्ट करणारी डिफेन्स प्रणाली

रडार मिसाईल ओळखतो अन् त्यावर इंटरसेप्टर मिसाईल मारा करतो

इंटरसेप्टर मिसाइल धडकताच शत्रूचं मिसाईल नष्ट करण्यासाठी थाड प्रणाली

स्फोटक नसतानांही धडक देऊन मिसाईल नष्ट करण्यासाठी उपयुक्त

थाडची बॅटरीची किंमत एक अब्ज डॉलर्स म्हणजेच 8 हजार 300 कोटीं रुपये

THAAD द्वारे शत्रूचं मिसाइल जमिनीवर पडण्याआधीच आकाशात नष्ट करणारी प्रगत संरक्षण प्रणाली असूनही इराणी मिसाईल इस्रायलमध्ये घूसून विध्वंस करतायेत. लष्करी तळांना सहज लक्ष करतायेत. त्यामुळे लांब पल्ल्याच्या मिसाइल हल्ल्यापासून संरक्षण करणारी ही डिफेन्स प्रणाली इराणनं पुरती फोल करुन दाखवलीये. इराणवरील हल्ल्याला सडेतोड उत्तर देऊन अमेरिकेच्या संरक्षणप्रणालीचे लक्तरं इराणनं वेशीला टांगलीयेत. त्यामुळे अमेरिकन थाड प्रणालीच्या सुरक्षा कवचात बसलेल्या साऊथ कोरीया, युएईसारख्या राष्ट्रांचंही टेन्शन इराणनं वाढवलंय.