महिलांना आर्थिकदृष्ट्या सक्षम करण्यासाठी सरकार नेहमीच वेगवेगळ्या योजना राबवते. महाराष्ट्र सरकारनेदेखील महिलांसाठी योजना राबवल्या आहेत. त्यातील एक योजना म्हणजे मुख्यमंत्री माझी लाडकी बहीण योजना. मुख्यमंत्री माझी लाडकी बहीण योजनेअंतर्गत महिलांना दर महिन्याला १५०० रुपये मिळणार आहे. या योजनेअंतर्गत अर्ज करण्याची मुदत वाढवण्यात आली आहे.

लाडकी बहीण योजना

महाराष्ट्र सरकारने महिलांसाठी माझी लाडकी बहीण योजना राबवली आहे. या योजनेत अर्ज करण्याची शेवटची तारीख नोव्हेंबर २०२४ पर्यंत वाढवण्यात आली आहे. त्यामुळे आता महिलांना अर्ज काढण्यासाठी काही दिवस आहेत. आतापर्यंत ज्या महिलांचे अर्ज मंजूर झाले नाहीत. त्यांना अर्ज एडिट करता येणार आहे.

योजनेचे नियम

महाराष्ट्रातील रहिवासी महिला या योजनेसाठी अर्ज करु शकतात. महिला या ऑनलाइन पद्धतीने अर्ज करु शकतात. यासाठी वेबसाइट आणि अॅपचा पर्याय आहे.

अर्ज करणाऱ्या महिलेचे वय २१ ते ६५ वर्ष असावे.

विवाहित, अविवाहित, घटस्फोटित महिलांना या योजनेचा लाभ मिळणार आहे. या योजनेत अर्ज करणाऱ्या महिलांचे बँकेत अकाउंट असावे.

अर्जदाराच्या कुटुंबियांचे वार्षिक उत्पन्न २.५ लाख रुपयांपेक्षा जास्त नसावे.

लाडकी बहीण योजनेचा अर्ज कसा करावा?

महिला ऑनलाइन आणि ऑफलाइन दोन्ही पद्धतीने अर्ज करु शकतात.अंगणवाडी सेविका/ सुपरवायजर/ ग्राम सेवक/ सीएमएम/ वार्ड ऑफिसरमार्फत तुम्ही या योजनेचा अर्ज भरु शकतात.

सरकारच्या या योजनेत तुम्ही ऑनलाइन पद्धतीनेदेखील रजिस्ट्रेशन करु शकतात. नारी शक्ती दूत अॅप किंवा वेबसाइटच्या माध्यमातून तुम्ही अर्ज करु शकतात. या योजनेत सर्वप्रथम तु्म्हाला रजिस्टर करावे लागेल. त्यानंतर तुम्हाला फॉर्म भरता येणार आहे.