देशातील महिला या सशक्त व्हाव्यात म्हणून अनेक योजना राबवण्यात आल्या आहेत. केंद्र सरकारने महिलांसाठी अनेक सुविधा दिल्या आहेत. केंद्रानंतर विविध राज्य सरकारनेदेखील महिलांसाठी खास योजना राबवल्या आहेत. या योजनेअंतर्गत महिलांना आर्थिक मदत दिली जाते. महाराष्ट्र सरकारने लाडकी बहीण योजना राबवली आहे. त्यानंतर आता बिहार सरकारनेदेखील महिलांसाठी खास महिला रोजगार योजना राबवली आहे.

बिहारच्या महिला रोजगार योजनेअंतर्गत सरकार महिलांना आर्थिक मदत करते. या योजनेअंतर्गत महिला सशक्तिकरणाला प्रोत्साहन मिळणार आहे. बिहारच्या या योजनेमुळे महिला आत्मनिर्भर होतात. याचसोबत त्यांना रोजगाराच्या संधीदेखील मिळतात. या योजनेत सरकार महिलांच्या खात्यात १०,००० रुपये जमा करणार आहे.

या दिवशी येणार महिलांच्या खात्यात पैसे (Women will get 10,000 Rupees on these Date)

बिहार सरकारकडून राबवण्यात आलेल्या या योजनेत महिलांना पैसे दिले जाणार आहे. या योजनेत रजिस्ट्रेशन प्रोसेस ही ७ सप्टेंबरपासून सुरु झाली आहे. दरम्यान, १५ सप्टेंबर रोजी महिलांच्या खात्यात १०,००० रुपये जमा केले जाणार आहे. सरकार या योजनेच्या अंबलबजावणीसाठी प्रयत्न करत आहे.

सरकारकडून मिळणाऱ्या या पैशातून महिला स्वतः चा व्यवसाय सुरु करु शकतात. स्वतः ला आत्मनिर्भर बनवण्यासाठी प्रयत्न करु शकतात.

या योजनेसाठी अर्ज करताना तुमच्याकडे आधार कार्ड असणे गरजेचे आहे. या योजनेसाठी शहरी महिला ऑनलाइन अर्ज करु शकतात. तर ग्रामीण भागातील महिला संकुल स्तरीय संघात जाऊन अर्ज करु शकतात.या योजनेसाठी अर्ज स्विकारल्यानंतर पैसे जमा केले जाणार आहेत.