Jio Offer :

जिओ हे भारतातील सगळ्यात जास्त वापरली जाणारी टेलिकॉम कंपनी आहे. सध्याच्या स्थितीत जिओ त्यांच्या ग्राहकांसाठी नवनवीन सेवा देत असते. तसेच आता जिओने एक उत्तम सेवा सादर केली आहे, ज्यामध्ये लॅपटॉप (Laptop), फोन आणि डेटासाठी एअरफायबर सेवा (Service) स्वस्त दरात उपलब्ध करून दिली जात आहे.

जिओची ही एक अशी योजना आहे ज्याने आपण भाड्याने वस्तू घेऊ शकता. ज्यामध्ये कोणताही लॅपटॉप, फोन आणि Jio AirFiber सारखी इतर उपकरणे खरेदी करण्याऐवजी भाड्याने दिली जाऊ शकतात. ही जिओची आर्थिक सेवा आहे, जी विशेषतः कॉर्पोरेट्ससाठी आहे. याचा अर्थ ही सेवा सामान्य युजर्ससाठी नाही. जिओने DaaS या वित्तीय सेवेमार्फत लघू उद्योग असलेल्या लोकांना मदत करण्यात येणार आहे.

DaaS सेवा म्हणजे काय?

ही सेवा DaaS म्हणून ओळखली जाते. ज्यामध्ये डिव्हाइस ठराविक कालावधीसाठी भाड्याने दिले जाते. हे डिव्हाइस दर महिन्याला किंवा एका हप्त्यासाठी भाड्याने दिले जाऊ शकते. मोठ्या कंपन्यांना एकाच वेळी हजारो लॅपटॉप आणि मोबाइल (Mobile) फोन खरेदी करावे लागतात. ज्यामध्ये खूप पैसे खर्च करावे लागतात, तर नफा मिळविण्यासाठी अनेक वर्षे लागतात.

ज्यामुळे कंपन्यांवर खूप आर्थिक भार पडतो. अशा समस्यांपासून मुक्त होण्यासाठी, Jio ने लॅपटॉप, फोन आणि इतर उपकरणे भाड्याने देण्याची योजना आणली आहे, जी कोणत्याही स्टार्टअप किंवा छोट्या कंपनीसाठी खूप उपयुक्त ठरू शकते.

Jio Financial Service म्हणजे काय?

मुकेश अंबानींच्या रिलायन्स इंडस्ट्रीज समूहाच्या नवीन जिओ फायनान्शियल सर्व्हिसेसने DaaS चे फायदे स्पष्ट केले आहेत, त्यानुसार DaaS वित्तीय सेवा कमी जोखमीची आहे. त्यानुसार मुकेश अंबानी, Jio Financial Services (JFS) चे उद्दिष्ट भारतातील प्रत्येक क्षेत्रातील वित्तीय सेवांच्या गरजा पूर्ण करणे आहे.