लाडकी बहीण योजनेच्या लाभार्थ्यांचे टेन्शन वाढवणारी बातमी समोर आली आहे. लाडकी बहीण योजनेतून आता लाखो लाभार्थ्यांचा लाभ बंद करण्यात आला आहे. सुमारे ८६ लाख महिलांचा लाभ बंद झाला आहे. या महिलांना १५०० रुपये मिळणार नाही. त्यामुळे अनेक महिलांना फटका बसला आहे.

महाराष्ट्र सरकारने २०२४ मध्ये मुख्यमंत्री माझी लाडकी बहीण योजना सुरु केली होती. या योजनेत कोट्यवधी महिलांना दर महिन्याला १५०० रुपये दिले जातात. जेव्हापासून योजना सुरु झाली तेव्हापासून आतापर्यंत ८६ लाख महिलांचे अर्ज बाद करण्यात आली आहे.

महाराष्ट्रातील एकूण २.४ कोटी महिलांनी योजनेसाठी अर्ज केला होता. या योजनेत आता फक्त १.६ कोटी महिलांना डिसेंबर महिन्याचा हप्ता मिळालेला आहे. जानेवारीच्या १४ तारखेला हा हप्ता देण्यात आला होता.

लाडकी बहीण योजनेत ५५ लाख महिलांचे अर्ज बाद केले आहेत. २.४ कोटींपैकी फक्त १.९ कोटी महिलांना ईकेवायसी केली आहे. यामधील १.६ कोटी महिलांचे केवायसी बरोबर असल्याचे समोर आले आहेत. दरम्यान, आता त्यातही ज्या महिलांच्या केवायसीत चुका झाल्या आहेत त्यांना दुरुस्तीसाठी ३१ मार्चपर्यंतची मुदत देण्यात आली आहे.त्यानंतर महिलांना सर्व रखडलेले हप्ते एकत्र देण्यात येतील,असं सांगण्यात येत आहे.

लाडकीच्या हप्त्याचा मार्ग मोकळा

लाडकी बहीण योजनेच्या लाभार्थ्यांसाठी महत्त्वाची बातमी आहे. या योजनेच्या हप्त्यासाठी समाज कल्याण विभागाकडून निधी वितरित करण्यात आला आहे. जवळपास ९८ कोटींचा निधी वितरिक करण्यात आला आहे. त्यानंतर महिलांच्या खात्यात पैसे जमा केले जातील.