लाडकी बहीण योजनेबाबत महत्त्वाची बातमी समोर आली आहे. लाडकी बहीण योजनेतून लाखो लाभार्थ्यांना वगळण्यात आले आहेत. महिलांचा लाभ बंद करण्यात आला आहे. दरम्यान, यामध्ये अनेक महिला अपात्र ठरल्या आहेत. अनेक सरकारी कर्मचाऱ्यांनीही लाभ घेतल्याची माहिती समोर आली होती. यापेक्षाही धक्कादायक म्हणजे हजारो पुरुषांनी योजनेचा लाभ घेतला आहे. दरम्यान, या महिलांकडून आता वसूली केली जात आहे. सरकारने याबाबत पाऊल उचलले आहे.

लाडकी बहीण योजनेतून ज्या पुरुषांनी लाभ घेतला आहे त्यांच्याकडून वसुली केली जाणार आहे, असं सांगण्यात आले होते. तसेच उत्पन्न जास्त असलेल्या किंवा शासकीय कर्मचारी असलेल्या महिलांकडूनही पैसे परत घेतले जात आहेत.

आता सरकारने बोगस ठरलेल्या महिलांकडून अर्ध्यापेक्षा जास्त वसूली केली आहे. मात्र, अजूनही अनेक पुरुषांकडून वसूली केलेली नाही. १२ हजार ७५७ पुरुषांना साध पत्रदेखील पाठवलेले नाही. या पुरुषांनी सरकारचे जवळपास २३ कोटी रुपये घेतले आहे. महिला कर्मचाऱ्यांच्या पगारातून वसुली केली जात आहे, मात्र बोगस पुरुषांना कोणतेही पत्र पाठवलेले नाही. त्यामुळे सरकार पुरुषांना अभय देतंय का, असा प्रश्न उपस्थित केला जात आहे.

लाडकी बहीण योजनेतून ज्या पुरुष लाभार्थ्यांनी लाभ घेतला आहे त्यांच्यावर कारवाई केली जाणार असल्याचे सांगितले होते. मात्र, अजूनही त्यांच्याकडून कोणतेही पैसे वसूल केले नाही. दरम्यान, महिलांकडून पैसे वसूल केले जात आहेत. त्यामुळे भविष्यात या पुरुषांकडून २३ कोटींची वसूली करणार का असा प्रश्न सध्या उपस्थित केला जात आहे.