Ladki Bahin Yojana: उरले शेवटचे १० दिवस, लाडक्या बहि‍णींना मार्च-एप्रिलचे ₹३००० कधी येणार? वाचा सविस्तर

लाडकी बहीण योजनेच्या लाभार्थी महिला अजूनही मार्च महिन्याच्या हप्त्याच्या प्रतिक्षेत आहेत. एप्रिल महिना सुरु होऊन २० दिवस उलटले आहेत तरीही अजून मागच्या महिन्याचा हप्ता जमा झालेला नाही. त्यामुळे महिलांच्या मनात अनेक प्रश्न निर्माण झाले आहे. मार्चचा हप्ता तर अजून मिळाला नाही परंतु एप्रिलच्या हप्त्याबाबतही कोणतीही अपडेट समोर आलेली नाही. हे दोन्ही हप्ते एकत्र येणार का असाही प्रश्न निर्माण झाला आहे. दरम्यान, महिलांच्या खात्यात पैसे कधी येणार याबाबत कोणतीही अधिकृत माहिती अजून समोर आलेली नाही.

लाडक्या बहि‍णींना मार्च-एप्रिलचा हप्ता कधी येणार? (Ladki Bahin Yojana March-April Installment Update)

लाडकी बहीण योजनेचे हप्ते गेल्या अनेक महिन्यांपासून लांबणीवर जात आहे. जानेवारीचा हप्ता फेब्रुवारीत तर फेब्रुवारीचा हप्ता मार्च महिन्यात देण्यात आला. त्यानंतर आता मार्चचा हप्ता किती तारखेला जमा होणार याकडे सर्वांचेच लक्ष लागले आहे. दरम्यान, याबाबत लवकरच माहिती समोर येईल.

लाडक्या बहि‍णींना ₹३००० एकत्र मिळणार? (Ladki Bahin Yojana 3000 Rupees Installment Update)

लाडकी बहीण योजनेत एकीकडे मार्चचा हप्ता कधी येणार असा प्रश्न विचारला जात आहे तर दुसरीकडे मार्च आणि एप्रिलचा हप्ता एकत्र येणार असल्याच्या चर्चा सुरु आहेत. दरम्यान, गेल्या अनेक महिन्यांपासून कधीच लाडक्या बहि‍णींना ३००० रुपये एकत्र दिले नाहीत. त्यामुळे यावेळीदेखील महिलांच्या खात्यात पैसे एकत्र येण्याची शक्यता कमी आहे. मात्र, लवकरच याबाबत घोषणा होऊ शकते.

हप्ता मिळवण्यासाठी हे काम करा

लाडकी बहीण योजनेत महिलांनी हप्ता मिळवण्यासाठी केवायसी करायची आहे. केवायसीची मुदत संपली आहे. याचदरम्यान, अनेक महिलांनी केवायसीमध्ये चुका केल्या आहेत. त्यामुळे त्यांचा लाभ बंद करण्यात आला आहे. या महिलांना केवायसीमध्ये चुका सुधारण्याची संधी देण्यात आली आहे. महिलांनी ३० एप्रिलपर्यंत या चुका सुधारायच्या आहेत. त्यानंतर या महिलांचा लाभ पुन्हा सुरु होईल.