लाडकी बहीण योजनेबाबत महत्त्वाचा निर्णय
सरकारने १२,२४० कोटी रुपये वाचणार
अपात्र लाडक्या बहिणींमुळे सरकारचे पैसे वाचणार
लाडकी बहीण योजनेच्या लाभार्थ्यांसाठी महत्त्वाची अपडेट समोर आली आहे. लाडकी बहीण योजनेत महिलांच्या खात्यात दर महिन्याला १५०० रुपये जमा केले जातात. दरम्यान, या योजनेसाठी सरकार कोट्यवधी रुपये खर्च करतात. या योजनेसाठी मागच्या वर्षी २०२५-२६ साठी ३६००० कोटींचा निधी मंजूर केला होता. त्यानंतर या वर्षी २६,००० कोटींचा निधी मंजूर केला आहे. याचसोबत आता सरकारचे अजून १२,२४० कोटी रुपये वाचणार आहे. सरकारने लाडकी बहीण योजनेबाबत महत्त्वाचा निर्णय घेतला आहे.
लाडकी बहीण योजनेबाबत सरकारचा मोठा निर्णय (Government Big Decision on Ladki Bahin Yojana)
लाडकी बहीण योजनेबाबत सरकारने महत्त्वाचा निर्णय घेतला आहे. लाडकी बहीण योजनेतून जवळपास ६८ ते ७१ लाख महिलांना अपात्र घोषित करण्यात आले आहे. यामुळे लाडकी बहीण योजनेवरील खर्च कमी होणार आहे. वार्षिक खर्च जवळपास ४३,७४० कोटी रुपयांवरुन ३१,५०० कोटी रुपयांपर्यंत कमी होणार आहे. सरकारचे १२,२४० कोटींपेक्षा जास्त रुपये वाचणार आहेत.
महिला व बालविकास विभागाच्या एका अधिकाऱ्यांनी दिलेल्या माहितीनुसार, या योजनेतून ६८ लाख महिलांना वगळल्यामुळे इतर विभागांकडून निधी वळवण्याची गरज भासणार नाही. याआधी सामाजिक न्याय विभागाकडून निधी वळवला जात होता.
लाखो महिलांचा लाभ बंद (Ladki Bahin Yojana 68 Lakh Women Ineligible)
लाडकी बहीण योजना जुलै २०२४ मध्ये सुरु झाली होती. या योजनेत सुरुवातील २.४७ कोटी महिला लाभार्थी होत्या. त्यानंतर आता फक्त १.७ कोटी महिला लाभ घेतात. यामध्ये अपात्र आणि केवायसी न केलेल्या महिलांचा समावेश आहे.
लाडकी बहीण योजनेचा हप्ता फक्त पात्र महिलांनाच मिळतो. या योजनेत केवायसी करणे अनिवार्य होते. केवायसी न केल्यास महिलांना योजनेतून वगळले गेले आहे. यामुळे ज्या महिला वगळल्या आहेत त्यांचा लाभ कायमचा बंद झाला आहे. परिणामी त्यांच्या खात्यात पैसे जमा होणार नाहीत. यामुळेच योजनेचे पैसे वाचणार आहेत.