लाडकी बहीण योजनेसंदर्भात धक्कादायक माहिती समोर आली आहे. आता सरकारी नोकरदार महिलांनी लाडकी बहीण योजनेचे पैसे लाटले आहे. सरकारी कर्मचाऱ्यांनीही या योजनेचा लाभ घेतला आहे. या महिलांना दर महिन्याला १५०० रुपये देण्यात आले आहेत. त्यामुळे सरकारचे कोट्यवधी रुपयांचे नुकसान झाले आहे. दरम्यान, नागपूरमध्ये ११२९ नोकरदार महिलांनी योजनेचा लाभ घेतला आहे.

नागपूरातील या नोकरदार महिलांवर आता कारवाई करण्यात येणार असल्याची माहिती समोर आली आहे. या नोकरदार या नोकरदार बहिणींवर कारवाई करण्यासाठी विभागीय आयुक्तांकडे प्रस्ताव पाठवण्यात आला आहे.

शासनाने आदेश दिल्यानंतर लाभार्थ्यांची पडताळणी केली गेली आहे. योजनेचा लाभ घेणाऱ्या महिलांच्या घरी जाऊन तपासणी करण्यात आली आहे. लाभार्थ्यांचे आधार कार्ड मागवून त्यांची ओळख पटवण्यात आली. यानंतर हा धक्कादायक प्रकार उघडकीस आला आहे.- त्याचा संपूर्ण तपशील विभागीय आयुक्ताकडे पाठवण्यात आला आहे. त्यामुळे या नोकरदार बहिणींवर काय कारवाई होते? हे पाहावे लागणार आहे.

अपात्र महिलांची वाढती आकडेवारी

लाडकी बहीण योजनेत अपात्र महिलांनी लाभ घेतलेल्यांची संख्या वाढतच आहेत. २६ लाख अपात्र महिलांनी या योजनेचा लाभ घेतल्याची माहिती स्वतः आदिती तटकरेंनी दिली होती. त्यानंतर आता अजूनही अनेक जिल्ह्यांमधून अपात्र महिलांची नावे समोर येत आहे. त्यामुळे हा आकडा अजूनही वाढण्याची शक्यता आहे.

लाडक्या बहि‍णींच्या घरोघरी जाऊन पडताळणी

लाडकी बहीण योजनेत महिलांच्या घरोघरी अर्जांची पडताळणी करण्यात येणार आहे. अंगणवाडी सेविका घरोघरी जाऊन महिलांच्या अर्जांची तपासणी करत आहे.यातून महिलांच्या घरी चारचाकी वाहन आहे की नाही. त्यांचे उत्पन्न २.५ लाखांपेक्षा जास्त नसावे. तसेच कुटुंबात फक्त २ महिला लाडकी बहीण योजनेचा लाभ घेत असाव्यात, या सर्व निकषांची पडताळणी केली जाणार आहे.