लाडकी बहीण योजनेत महिलांना नोव्हेंबरचा हप्ता मिळाला आहे.यानंतर डिसेंबरचे पैसे कधी येणार असा प्रश्न विचारला जात होता. यानंतर आता लाखो महिलांना नोव्हेंबरचाच हप्ता मिळाला नसल्याची धक्कादायक माहिती उघडकीस आली आहे. अनेक महिलांना नोव्हेंबरचे १५०० रुपये आले नाही. त्यामुळे महिलांच्या मनात निराशा झाली आहे.

यवतमाळमधील २ लाख महिला लाभापासून वंचित (Yavatmal 2 Lakh Women Not Get Ladki Bahin Yojana November Installment)

मुख्यमंत्री माझी लाडकी बहीण योजनेचा १७वा हप्ता लाभार्थ्यांच्या बँक खात्यात जमा करण्यात आला आहे. मात्र अनेक महिलांना दीड हजार रुपये जमा झाल्याचा मेसेज आला नाही. या महिलांना जीव टांगणीला लागला आहे.

योजनेच्या लाभासाठी शासनाने ई-केवायसीची सक्ती केली.ही प्रक्रिया करताना चूक झाल्याने अनेक महिलांच्या खात्यात पैसे जमा न झाल्याची माहिती समोर आली आहे. यवतमाळ जिल्ह्यातील दोन लाख महिलांना याचा फटका बसला आहे.लाभ न मिळाल्याने महिलांना अनेक प्रश्न पडले आहेत. दीड हजार रुपये का मिळाले नाही, याची विचारणा करण्यासाठी लाडक्या बहिणी महिला व बालकल्याण विभागात चकरा मारत आहे.

यापुढेही या महिलांना मिळणार नाही लाभ (These Women will not get Ladki Bahin Yojana Benefit)

लाडकी बहीण योजनेत यापुढेही अनेक महिलांना लाभ मिळणार नाहीये. ज्या महिलांनी केवायसी पूर्ण केलेली नाही त्या महिलांना योजनेअंतर्गत १५०० रुपये मिळणार नाहीये. सर्व लाभार्थ्यांना केवायसी करणे अनिवार्य केले होते. अजूनही ४५ लाख महिलांनी केवायसी केली नसल्याची माहिती समोर आली आहे. त्यामुळे या सर्व महिलांचा लाभ बंद केला जाणाक आहे.