Ladki Bahin Yojana: तब्बल ४५ लाख लाडक्या बहि‍णींचे ₹१५०० कायमचे बंद, कारण आले समोर, वाचा सविस्तर

लाडकी बहीण योजनेच्या लाभार्थ्यांना केवायसी करणे अनिवार्य आहे.केवायसी करण्याची शेवटची तारीख ३१ डिसेंबर २०२५ होती. त्याआधी ज्या महिलांनी केवायसी केली असेल त्यांना योजनेचा लाभ सुरु राहणार आहे. दरम्यान, ज्या महिलांनी केवायसी केले नाही त्यांचा लाभ बंद केला जाणार आहे.

४५ लाख महिलांचा लाभ बंद होणार (Ladki Bahin Yojana 45 Lakh Women Benefit Stopped)

लाडकी बहीण योजनेत जवळपास अडीच कोटी महिला लाभार्थी आहेत. अडीच कोटी लाभार्थ्यांपैकी अनेक महिलांनी केवायसी केले आहे. दरम्यान, योजनेतून ४५ लाख महिलांनी केवायसी केली नसल्याची माहिती समोर आली आहे. त्यामुळे आता या महिलांचा लाभ बंद होणार आहे,

योजनेत अजूनही काही महिलांची केवायसी प्रोसेस सुरु आहे. ज्या महिलांचे पती आणि वडील हयात नाही अशा महिलांनी त्यासंदर्भातील कागदपत्रे अंगणवाडी सेविकांकडे जमा केली आहेत. अंगणवाडी सेविकांद्वारे आता ही माहिती पोर्टलवर अपलोड होण्याचे काम सुरु आहे. त्यामुळे या महिलांची केवायसी प्रक्रिया अजूनही सुरु आहे.

लाडकीला डिसेंबरचा हप्ता कधी मिळणार? (Ladki Bahin Yojana December Installment Date)

लाडकी बहीण योजनेत नोव्हेंबर आणि डिसेंबरचा हप्ता लांबणीवर गेला आहे. महिलांना नोव्हेंबरचा हप्ता खूप उशिरा मिळाला. त्यानंतर डिसेंबर उलटून गेला तरीही महिलांच्या खात्यात पैसे जमा झाले नाहीत. त्यामुळे पैसे कधी येणार असा प्रश्न विचारला जात आहे.महापालिका निवडणुकीआधी महिलांच्या खात्यात पैसे जमा होऊ शकतात, असं सांगितलं जात आहे.