नोव्हेंबर महिना संपायला अवघे ८ दिवस उरले आहेत. त्यामुळे नोव्हेंबरचा हप्ता कधी येणार, असा प्रश्न लाडक्या बहिणी विचारत आहेत. दरम्यान, राज्यात सध्या निवडणुकांचे वारे वाहत आहेत. या काळात पैसे येणार की नाही असा प्रश्न विचारला जात आहेत. अशातच आता लाडक्या बहि‍णींना नोव्हेंबर आणि डिसेंबरचा हप्ता एकत्र येण्याची शक्यता वर्तवली जात आहे. मात्र, याबाबत कोणतीही अधिकृत माहिती समोर आलेली नाही.

लाडकीला नोव्हेंबर-डिसेंबरचे पैसे एकत्र येणार (Ladki Bahin Yojana November-December Installment May Come Together)

नोव्हेंबर महिना संपायला आला तरीही अद्याप हप्त्याबाबत कोणतीही घोषणा करण्यात आलेली नाही. त्यामुळे आता पुढच्या महिन्यात दोन महिन्याचे हप्ते एकत्र येणार का असा प्रश्न महिलांच्या मनात निर्माण झाला आहे.

२ आणि ३ डिसेंबर रोजी नगरपरिषदेच्या निवडणुका होणार आहेत. त्यामुळे त्याआधी किंवा त्यानंतर महिलांच्या खात्यात पैसे जमा होऊ शकतात. जर या निवडणूकांनंतर पैसे येणार असतील तर नोव्हेंबर आणि डिसेंबरचा हप्ता एकत्र येऊ शकतो. मात्र, याबाबत कोणतीही माहिती समोर आलेली नाही. लवकरच घोषणा होण्याची शक्यता आहे.

लाडकीचा हप्ता मिळवण्यासाठी केवायसी गरजेचे (Ladki Bahin Yojana KYC)

लाडकी बहीण योजनेचा हप्ता मिळवण्यासाठी तुम्हाला केवायसी करणे गरजेचे आहे. तुमच्या केवायसीसाठी मुदत वाढवून देण्यात आली आहे. ३१ डिसेंबरपर्यंत तुम्ही केवायसी करु शकतात. जर तुम्ही केवायसी केली नाही तर तुम्हाला त्यानंतरचे १५०० रुपये मिळणार नाहीत. अजूनपर्यंत १ कोटीपेक्षा जास्त लाभार्थी महिलांचे केवायसी करणे बाकी आहे. यामध्ये ज्या महिलांचे पती आणि वडील हयात नाही अशा महिलांचाही समावेश आहे. त्यांच्यासाठी आता नवीन केवायसी प्रोसेस सुरु केली आहे. त्यामुळे आता त्यांची केवायसी होईपर्यंत वेळ लागेल. या कारणांमुळे केवायसीसाठी मुदतवाढ देण्यात आली आहे.