Ladki Bahin Yojana: आचारसंहितेच्या काळात लाडक्या बहिणींना ₹१५०० मिळणार का? नोव्हेंबरच्या हप्त्याबाबत मोठी अपडेट समोर

लाडकी बहीण योजनेच्या नोव्हेंबरच्या हप्त्याची महिला आतुरतेने वाट पाहत आहे. नोव्हेंबर महिन्याचे पहिले २० दिवस उलटून गेले आहे तरीही अद्याप कोणतीही अधिकृत माहिती समोर आलेली नाही. त्यातच आता स्थानिक स्वराज्य संस्थांच्या निवडणुका लागल्या आहेत. यामुळे आचारसंहिता लागू झाली आहे. या कालावधीत महिलांना पैसे मिळणार की नाही अशा प्रश्न निर्माण झाला आहे. याबाबत महिलांच्या मनात संभ्रम निर्माण झाला आहे.

आचारसंहितेच्या काळात लाडक्या बहि‍णींना पैसे मिळणार का? (WIll Ladki Bahin Yojana Beneficiaries Get Money in Code of Condut)

आचारसंहिता लागू झाली आहे. आचारसंहितेच्या काळात कोणत्याही योजनेअंतर्गत पैसे दिले जात नाही. मात्र, स्थानिक स्वराज्य संस्थांच्या निवडणुकीच्या कालावधीतही महिलांना पैसे देणार असल्याची प्राथमिक माहिती समोर आली आहे. त्यामुळे महिलांना पैसे कधी मिळणार याकडे सर्वांचेच लक्ष लागले आहे.

निवडणुकीआधी पैसे मिळण्याची शक्यता

राज्यात स्थानिक स्वराज्य संस्थांच्या निवडणुकांची घोषणा झाली आहे. नगपरिषद आणि नगरपंचायतीच्या निवडणुका २ आणि ३ डिसेंबर रोजी होणार आहेत.या निवडणुका होण्याआधी महिलांच्या खात्यात पैसे जमा केले जाऊ शकतात, असं सांगण्यात येत आहे.त्यामुळे महिलांना महिनाअखेरीस खुशखबर मिळू शकते. लवकरच याबाबत घोषणा केली जाईल.

लाडकी बहीण योजनेबाबत दोन महत्त्वाचे निर्णय (Ladki Bahin Yojana Impoartant Update)

लाडकी बहीण योजनेबाबत सरकारने निवडणुकीपूर्वी दोन महत्त्वाचे निर्णय घेतले आहेत. एक म्हणजे लाडक्या बहिणींना केवायसीसाठी मुदतवाढ देण्यात आली आहे. दुसरा निर्णय म्हणजे महिलांना केवायसी करताना येणारी अडचण दूर करण्यासाठी वेबसाइटमध्ये बदल करण्यात आला आहे. यामुळे ज्या महिलांचे पती किंवा वडील हयात नाही त्यांनाही केवायसी करता येणार आहे.