Mazi Ladki Bahin Yojana June installment : राज्यभरातील कोट्यवधि महिलांच्या खात्यावर 'मुख्यमंत्री माझी लाडकी बहीण योजने'चा जूनचा हप्ता जमा झाला आहे. आज सकाळपासून पात्र लाभार्थी महिलांच्या खात्यावर १५०० रूपये जमा होण्यास सुरूवात झाली आहे. खात्यात पैसे जमा होत असल्याने महिला वर्गामध्ये आनंदाचे वातावरण आहे. तुमच्या खात्यात हे पैसे आले आहेत की नाही, हे तुम्ही लगेच तपासून पाहिले पाहिजे.

मुख्यमंत्री माझी लाडकी बहीण योजनेची घोषणा झाल्यापासून महिलांनी अर्ज भरण्यासाठी सेतू केंद्र आणि अंगणवाड्यांमध्ये प्रचंड गर्दी केली होती. छाननी प्रक्रिया पूर्ण झाल्यानंतर ज्या महिलांचे अर्ज मंजूर (Approved) झाले आहेत, त्यांच्या खात्यावर थेट DBT द्वारे पैसे पाठवले जात आहेत. पहिल्या टप्प्यात लाखो भगिनींच्या खात्यात ही रक्कम जमा झाली आहे. पुढील २ ते ३ दिवसात राज्यातील सर्व पात्र लाभार्थी महिलांच्या खात्यावर १५०० रूपये जमा होतील. तुमच्या खात्यावर पैसे जमा झाले का? हे तात्काळ तपासून पाहावे.

पैसे आले नसतील तर काय करावे?

जर तुमचा अर्ज मंजूर झाला असेल, पण अजून खात्यात पैसे आले नसतील, तर अजिबात काळजी करू नका. ही रक्कम टप्प्याटप्प्याने महिलांच्या खात्यावर वर्ग केली जात आहे. त्यामुळे पुढील २४ ते ४८ तासांत उर्वरित महिलांच्या खात्यात पैसे जमा होतील.

या योजनेचा लाभ मिळवण्यासाठी तुमचे बँक खाते आधार कार्डशी लिंक (Aadhaar Seeding) असणे आणि डीबीटी (DBT) पर्याय सुरू असणे अनिवार्य आहे. जर तुमचे खाते आधारशी लिंक नसेल, तर त्वरित बँकेत जाऊन ते सक्रिय करून घ्या, जेणेकरून तुमचा हप्ता अडकणार नाही.

तुमच्या खात्यात पैसे आले की नाही, घरबसल्या तपासा -

तुमच्या बँकेशी लिंक असलेल्या मोबाईल नंबरवर ₹१,५०० जमा (Credited) झाल्याचा मेसेज आला आहे का, ते सर्वप्रथम तपासा.

तुमच्या बँकेच्या अधिकृत ॲपवर (उदा. YONO SBI, Baroda M-Connect इत्यादी) लॉग इन करून स्टेटमेंट तपासा किंवा बँकेत जाऊन पासबुक अपडेट करा.

तुम्ही Google Pay, PhonePe किंवा Paytm वापरत असाल, तर तिथूनही बँक बॅलन्स चेक करू शकता.