लाडकी बहीण योजनेच्या लाभार्थ्यांसाठी महत्त्वाची बातमी आहे. लाडकी बहीण योजनेत फक्त ज्या महिलांनी केवायसी केली आहे त्यांनाच योजनेचा लाभ मिळणार आहे. केवायसी करण्याची शेवटची तारीख ३१ डिसेंबर होती. त्यानंतर महिलांना पुन्हा नव्याने केवायसी करता येणार नाही. मात्र, ज्या महिलांच्या केवायसीत काही चुका आहेत त्यांना पुन्हा एकदा केवायसी करण्याची संधी मिळणार आहे. लाडकी बहीण योजनेत केवायसीत दुरुस्ती करण्याची शेवटची तारीख ३१ मार्च २०२६ निश्चित करण्यात आली आहे.

लाडक्या बहिणींनो हे काम करा

लाडकी बहीण योजनेत केवायसी न केल्याने अनेक महिलांचे लाभ बंद झाले आहेत. केवायसीत अनेक प्रश्न समजले नसल्याने त्यांनी चुकीची उत्तरे दिली. त्यामुळे त्यांचा लाभ बंद केला आहे. मात्र, प्रश्न नीट कळला नसल्याने या चुका झाल्या आहेत, हे निदर्शनास आले. त्यानंतर महिलांना केवायसीत दुरुस्ती करण्याची पुन्हा एकदा संधी देण्यात आली आहे.

केवायसी करण्याची प्रोसेस (Ladki Bahin Yojana eKYC)

लाडकी बहीण योजनेच्या केवायसीसाठी ऑनलाइन प्रोसेस आहे.

तुम्हाला adakibahin.maharashtra.gov.in वर जायचे आहे.

यानंतर ईकेवायसीमध्ये चुका झालेल्यांना दुरुस्ती करण्याची संधी या ऑप्शनवर क्लिक करा.

यानंतर तुम्हाला आधार नंबर टाकायचा आहे. यानंतर रजिस्टर मोबाईल नंबरवर ओटीपी येईल तो टाका.

यानंतर इतर आवश्यक माहिती भरा. यानंतर विचारलेल्या प्रश्नांची उत्तरे द्या.

यानंतर तुमची केवायसी पूर्ण होणार आहे.