Ladki Bahin Yojana: पुण्यात सर्वाधिक लाडक्या बहिणी, ८३ टक्के विवाहित महिला घेतायत लाभ, आकडेवारी समोर

महाराष्ट्र सरकारने २ वर्षांपूर्वी मुख्यमंत्री लाडकी बहीण योजना सुरु केली आहे. या योजनेत महिलांना दर महिन्याला १५०० रुपये दिले जातात. लाडकी बहीण योजनेत सुरुवातीला २.५ कोटी लाभार्थी होते. यानंतर पडताळणीमध्ये अनेक लाभार्थ्यांची संख्या कमी झाली आहे. सध्या या योजनेतील लाभार्थ्यांची संख्या १.५३ कोटी लाभार्थी आहेत. जवळपास ९० लाख महिला अपात्र झाले असल्याची माहिती समोर आली आहे. यामध्ये विविध वयोगटातील, विवाहित, अविवाहीत महिलांनी लाभ घेतला आहे.

या जिल्ह्यातील सर्वाधिक महिला लाभार्थी (Ladki Bahin Yojana)

लाडकी बहीण योजनेत राज्यातील सर्व जिल्ह्यातील महिलांनी लाभ घेतला आहे. पुणे जिल्ह्यातील सर्वाधिक महिलांनी योजनेचा लाभ घेतला असल्याची माहिती समोर आली आहे. कोकण विभागात सिंधुदुर्गात सर्वाधिक कमी महिलांनी योजनेचा लाभ घेतला आहे. दुसरीकडे विदर्भात गडचिरोलीत सर्वाधिक कमी लाडक्या बहिणी असल्याची माहिती समोर आली आहे. ही आकडेवारी जेव्हा योजना सुरु झाली तेव्हाची आहे. यानंतर अनेक महिलांचे अर्ज बाद करण्यात आलेत.

लाडकी बहीण योजनेतील लाभार्थी महिलांपैकी ८३ टक्के महिला या विवाहित आहेत. टक्के अविवाहीत महिला ११.८ होत्या.तर विधवा महिलांच संख्या ४.७ टक्के आहे. घटस्फोटीत महिलांची संख्या १ टक्क्यापेक्षादेखील कमी आहे.

या महिलांनाच मिळतो लाभ

लाडकी बहीण योजनेत लाखो महिलांचे अर्ज बाद केले आहेत. या महिला निकषात बसत नसल्याने त्यांचा अर्ज बाद केला आहे. यामध्ये फक्त २१ ते ६५ वयोगटातील महिलांना लाभ मिळतो. ज्या महिलांच्या कुटुंबाचे उत्पन्न २.५ लाखांपेक्षा कमी आहे त्यांनाच योजनेचा लाभ मिळत आहे. ज्या महिलांकडे चारचाकी वाहन आहे त्यांचाही लाभ बंद केला आहे. ज्या महिलांनी केवायसी केले नाही अशाही महिलांचा लाभ कायमचा बंद करण्यात आला आहे. एकूण ९० लाख महिलांचा अर्ज बाद केला असल्याची माहिती समोर आली आहे. त्यामुळे या महिलांना यापुढे १५०० रुपये मिळणार नाहीयेत.